رووداو دیجیتاڵ
ئەمڕۆ 100 فۆتۆگرافەری 9 وڵاتی جیهان و 21 فۆتۆگرافەری کورد لە هەولێر لە فێستیڤاڵێکدا وێنەکانیان نمایشکرد.
گەلەرییەکە کاژێر 17:00 بە کاتی هەرێمی کوردستان سازکرا، چالاکییەکە بە زیاتر لە 100 وێنە رازێنرابووەوە.
جۆری ئەو وێنانەی لە فێستیڤاڵەکەدا پێشاندران، تێکەڵەیەک بوو لە سرووشت، لاندسکەیپ، چیرۆک، ئاژەڵ و باڵندە و بابەتە رۆژنامەڤانییەکان.
ئەم چالاکییە لەلایەن ناوەندی حەوت رەنگە و بەڕێوەبەرایەتیی هونەری شێوەکاری هەولێر سازکراوە و دوو رۆژ بەردەوام دەبێت.