هەڵەیەک روویدا! دووبارە هەوڵبدە
رووداو دیجیتاڵ
بەڕێوەبەری راگەیاندنی کارەبای پارێزگای سلێمانی دەڵێت، کارەبای نیشتمانی زیادی کردووە و رۆژانە لە 16 بۆ 18 کاژێر کارەبای نیشتمانی بە هاونیشتمانییان دەدرێت.
ئەمڕۆ دووشەممە، سیروان محەممەد، بەڕێوەبەری راگەیاندنی کارەبای سلێمانی بە رووداوی راگەیاند، "کارەبای نیشمانی لە وەرزی بەهاردا، بەپێی خواست زیاد و کەم دەکات. هاوکات بەکارهێنانی ئامێرەکانی گەرمکەرەوە و ساردکەرەوە هۆکاری زیادبوون و کەمبوونی کارەبایە. لەم وەرزەدا کەم بەکارهێنان دەبێتە هۆی زیادبوونی کاتی پێدانی کارەبا."
بەڕێوەبەری راگەیاندنی کارەبای سلێمانی روونیکردەوە، "ئێستا کارەبای نیشتمانی لە پارێزگای سلێمانی لەبەرئەوەی خواستی کەم لەسەرە، زیادی کردووە. رۆژانە لە 16 بۆ 18 کاژێر کارەبای نیشتمانی بە هاونیشتمانیان دەدرێت. ئەو بڕە بە مێگاوات بەرزبووەتەوە و دەگاتە 900 مێگاوات. ئەمەش هۆکارە بۆ زیادکردنی 3 بۆ 4 کاژێر کارەبای نیشتمانی."
بەگوێرەی داتای بەڕێوەبەرایەتیی گشتیی کارەبای سلێمانی بۆ تۆڕی میدیایی رووداو، مانگی رابردوو بە تێکڕا رۆژانە شەش کاژێر و نیو کارەبای نیشتیمانی دراوەتە هاوبەشان، جگە لەو جێگایانەی "تایبەتمەندیی" زیاتریان هەیە و کارەبای زیاتریان هەبووە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ