پێشانگەی گەشتیاریی رۆژهەڵاتی نێوەڕاست لە هەولێر

لەو پێشانگەیەدا 200 کۆمپانیا لە 11 وڵاتەوە بەشداری دەکەن کە رۆژانە لە کاژێر 10:00 تاوەکو 19:00 کراوە دەبێت. 

رۆژانە لەپاڵ پێشاندانی چالاکیی کۆمپانیا بەشدارەکان، چەندین پانێڵ بەڕێوەدەچن لەبارەی داهاتووی گەشتیاری لە رۆژهەڵاتی نێوەڕاست و ناوچەکە. 

کۆمپانیاکانی گەشتیاری لە بواری جیاوازدا ئۆفەر و پێشنیاز و خزمەتگوزارییەکانیان پێشکێش دەکەن، لەوانە:

گەشتیاری ئایینی

گەشتیاری کولتووری

گەشتیاری شوێنەواری

گەشتیاری سەرگەرمی و سرووشت

بەپێی گوتەی سەرپەرشتیارانی پێشانگەکە زیاتر لە 200 کۆمپانیا کۆدەبنەوە لە چەندان وڵاتەوە و، لە بوارەکانی وەکو گەشتکردن و تەکنەلۆجیا، سیستمە مۆدێرنەکانی هۆتێل و میوانخانەکان و بەڕێوەبردن، تەندروستی و سپا خزمەتگوزاری پێشکێش دەکەن.

هەروەها ئۆفەر و بەرنامەی تایبەتی گەشتی شاهانەیی لەگەڵ چالاکی جیاواز لە هەر سێ رۆژدا لە چوارچێوەی پێشانگەکەدا دەخرێنەڕوو.