رووداو-گەرمیان
بەئامادەبوونی سەرپەرشتیاری ئیدارەی گەرمیان و ژمارەیەک لەبەرپرسانی حکومی و حیزبی و خزم و کەسوکاری تەرمی مریەم قازی محەممەد کچی پێشەوا قازی لەگۆڕستانی کەلاری کۆن بەخاک سپێردرا.
مریەم خان بەهۆی نەخۆشییەوە لە وڵاتی ئوردن کۆچی دوایی کرد و دوای ئەوەی تەرمەکەی لەڕێگەی فڕۆکەخانەی نێودەوڵەتی سلێمانییەوە گەڕێنرایەوە هەرێمی کوردستان ئەمڕۆ لە رێوڕەسمێکدا لەتەنیشت گۆڕی هاوسەرەکەی(سەردار بەگی جاف) لە کەلاری کۆن ئەسپەردەی خاک کرا.
مریەم قازی، 15 رۆژ پێش ئێستا لە وڵاتی ئوردن کۆچی دواییکرد بەڵام بەهۆی بڵاوبوونەوەی کۆرۆنا و رێکارەکانی نەتوانرا بگەڕێندرێتەوە کوردستان و بەخاکبسپێردرێت.
