رووداو - تەندروستی
بەگوێرەی نووسینگەی بنیامین نەتەنیاهوو، سەرۆکوەزیرانی ئیسرائیل، ئەمڕۆ یەکشەممە نەشتەرگەریی لابردنی پڕۆستاتی بۆ دەکرێت.
نووسینگەکەی روونی دەکاتەوە، لە نەخۆشخانەی حەداسا پشکنینی بۆ کراوە و دەرکەوتووە بەهۆی گەورەبوونی پڕۆستاتییەوە تووشی هەوکردنێکی تووندی میزەڕۆ بووە.
نەتەنیاهوو ئاداری ئەم ساڵ، نەشتەرگەریی فتقـی بۆ کرا. تەممووزی پاریش پزیشکەکان ئامێری بەهێزکردن و رێکخستنی لێدانی دڵیان بۆ دانا.
بەگوێرەی مایۆکلینیک، ئەمانەی خوارەوە ئەگەری گەورەبوونی پڕۆستات کەمدەکەنەوە؛
- جووڵەی رۆژانە و چالاکیی جەستەیی
- دوورکەوتنەوە لە خۆراکە خێرا، سوێر و شیرینەکان
- کەمکردنەوە و دوورکەوتنەوە لە کحول
- دوورکەوتنەوە لە جگەرە، نێگەلە و ڤەیپ
هەروەها ئەمانەش باشترین خۆراکەکانن بۆ پێشگیری لێی {ماسی، شاتوو، سیر، پیاز، سەوزەکان، تەماتە، گوێز، کونجی و پاقلە}.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ