رووداو - تەندروستی
توێژینەوەیەکی زانکۆی کالیفۆرنیا دەریدەخات، ئەوانەی زۆرترین کاتەکانیان بەسەیرکردنی شاشە و ئامێرە ئەلکترۆنییەکان بەسەردەبەن، مەترسیی تووشبوونیان بە نەخۆشییەکانی دڵ، جەڵتەی دڵ و جەڵتەی مێشک زیاترە.
لەم توێژینەوەیەدا زیاتر لە چوار هەزار گەنجی پێگەیشتوو بەشداریانکردووە و دەرکەوتووە، بەکارهێنانی لەڕادەبەدەری ئامێرە ئەلکترۆنییەکان و سەیرکردنی شاشە تووشبوون بە نەخۆشییەکانی دڵ و جەڵتەی دڵ بەڕێژەی 36٪ زیاددەکات.
دکتۆر جاسۆن ناگاتا، سەرپەرشتیاری توێژینەوەکە دەڵێت، ''زۆر سەیرکردنی شاشە، شێوازی ژیانی تەندروست وەکو کاتی رێکی خەوتن و چالاکیی رۆژانە تێکدەدات ئەمەش کاردەکاتە سەر تەندروستیی کەسەکە''.
سەرپەرشتیاری توێژینەوەکە ئامۆژگاری هاوڵاتییان دەکات، بەکارهێنانی ئامێرە ئەلکترۆنییەکان سنووردار بکەن و لانیکەم کاژێرێک پێشئەوەی بخەون، موبایل و ئامێرە زیرەکەکان لەخۆیان دووربخەنەوە و دایبخەن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ