رووداو - تەندروستی
توێژینەوەیەک لە چین شەش رێگەی کاریگەر بۆ پێشگیری لە نەخۆشییەکانی لەبیرچوونەوە رادەگەیەنێت؛ دوورکەوتنەوە لە جگەرە و نێرگەلە رێگەیەکیانە.
توێژینەوەکە لە پەیمانگەی تەندروستیی بەساڵاچووان لە چین کرا و دەرکەوت، شەش رێگەی سەرەکی هەن بۆ کەمکردنەوەی ئەگەری تووشبوون بە لەبیرچوونەوە و ئەوانەشی ئەو رێگەیانە پەیڕەودەکەن لە بەساڵاچووندا زۆر بە کەمی دووچاری نیشانەکانی نەخۆشییەکە دەبن.
1- وەرزش و جووڵەی رۆژانە
پسپۆڕان پێشنیاز دەکەن، رۆژانە لانیکەم 30 خولەک جووڵە و وەرزش هەبێت.
![هەندێک کەس وەرزش دەکەن.](https://www.rudaw.net/Library/Images/Uploaded%20Images/Health/809-809-89.jpg)
![هەندێک کەس وەرزش دەکەن.](https://www.rudaw.net/Library/Images/Uploaded%20Images/Health/809-809-89.jpg)
2- دوورکەوتنەوە لە کێشانی جگەرە و نێرگەلە
د. شینگ لی، سەرپەرشتیارێکی توێژینەوەکەیە و دەڵێت: کێشانی تووتن هۆکارە بۆ پووکانەوە و لاوازبوونی خانەکانی مێشک، بەمەش کەسی جگەرەکێش زووتر تووشی نیشانەکانی لەبیرچوونەوە دەبێت.
![ئاماژەیەک بۆ جگەرەنەکێشان.](https://www.rudaw.net/Library/Images/Uploaded%20Images/Health/8-08-.jpg)
![ئاماژەیەک بۆ جگەرەنەکێشان.](https://www.rudaw.net/Library/Images/Uploaded%20Images/Health/8-08-.jpg)
3- دوورکەوتنەوە لە خواردنەوەی کحول
بە گوێرەی پەیمانگەکە، ئەوانەی کحول دەخۆنەوە لە دوای تەمەنی 50 ساڵیدا دووچاری لاوازبوونی یادگە و بیرەوەرییەکانیان دەبن و توانای بڕیاردانیان لاوازدەبێت، بەمەش زووتر تووشی ئەلزەهایمەر دەبن لە تەمەنەکانی دوای 65 ساڵی.
![ئاماژەیەک بۆ نەخواردنەوەی کحول.](https://www.rudaw.net/Library/Images/Uploaded%20Images/Health/789678.jpg)
![ئاماژەیەک بۆ نەخواردنەوەی کحول.](https://www.rudaw.net/Library/Images/Uploaded%20Images/Health/789678.jpg)
4- بەهێزکردنی پەیوەندیی کۆمەڵایەتی
لە توێژینەوەکە ئەوانەی پەیوەندییە کۆمەڵایەتییەکانیان باش بوو و دەوروبەریان قەرەباڵخ بووە، سێ ئەوەندە توانای بیرکردنەوە و ئەزبەرکردنیان زیاتر بووە لەوانەی تەنیا بوون و پەیوەندیی کۆمەڵایەتییەکان لاوازبووە.
![چەند کەسێک بەیەکەوە دڵخۆشن.](https://www.rudaw.net/Library/Images/Uploaded%20Images/Health/7070879.jpg)
![چەند کەسێک بەیەکەوە دڵخۆشن.](https://www.rudaw.net/Library/Images/Uploaded%20Images/Health/7070879.jpg)
5- تاقیکردنەوەی لێهاتوویی نوێ و قۆستنەوەی کاتە بەتاڵەکان
توێژەران رێنوێنیی هاووڵاتییان دەکەن، هەر کاتێکی بەتاڵیان هەبێت ئەوا چالاکییەک ئەنجامبدەن وەکو 'خوێندنەوەی کتێب، گوێگرتن و ژەنینی میوزیک و ئەنجامدانی یارییە هزرییەکان' لانیکەم دووجار لە هەفتەیەک ئەمانە جێبەجێبکرێن.
![خانمێکی بەساڵاچوو کتێب دەخوێنێتەوە.](https://www.rudaw.net/Library/Images/Uploaded%20Images/Health/0-=0-=.jpg)
![خانمێکی بەساڵاچوو کتێب دەخوێنێتەوە.](https://www.rudaw.net/Library/Images/Uploaded%20Images/Health/0-=0-=.jpg)
6- رێکخستنی کاتی خەو
د. شینگ لی ئاماژە بەوەدەکات، شەوانە حەوت بۆ نۆ کاژێر خەو هەبێت و ژینگەی ژووری نووستنیش گونجاو و لەباربێت بۆ باشترکردنی کوالێتیی خەو، چونکە پەیوەندیی راستەوخۆی لەگەڵ دەروون و مێشک هەیە.
![خانمێک خەوتووە.](https://www.rudaw.net/Library/Images/Uploaded%20Images/2024/07/24/90-90-.jpg)
![خانمێک خەوتووە.](https://www.rudaw.net/Library/Images/Uploaded%20Images/2024/07/24/90-90-.jpg)
جگە لەمانەش چەندین توێژینەوەکە سەلماندوویانە کە خۆراک و خواردنەوەی تەندروست 30٪ بۆ 40٪ رۆڵیان هەیە لە دواخستن و پێشگیریکردن لە تووشبوون بە لەبیرچوونەوە.
بە گوێرەی رێکخراوی تەندروستیی جیهانی، ئێستا 55 ملیۆن تووشبووی جۆرەکانی لەبیرچوونەوە هەن کە 75٪ـیان تووشبووی نەخۆشیی ئەلزەهایمەرن.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ