رووداو - تەندروستی
شارەزایەکی کەشوهەوا لە وەزارەتی کشتوکاڵ دەڵێت، ئەمڕۆ و سبەی خۆڵبارین بەردەوام دەبێت. هەروەها ئاماژە بە شەپۆلێکی بارانی سەرتاسەری لە هەرێمی کوردستان دەکات.
بەگوێرەی ناوەندی کۆنتڕۆڵ و پێشگیریکردن لە نەخۆشییەکان CDC رێگە کاریگەرەکانی خۆپارێزی لەکاتی خۆڵبارین ئەمانەی خوارەوەن؛
- بەستنی دەمامک
- هەناسەدان لەڕێگەی لووتەوە
- داخستنی دەرگە و پەنجەرەکانی ماڵ
- خواردنەوەی ئاو
- شووشتنی دەستەکان پێش دەستدان لە دەم و چاو
- بەکارهێنانی شێدارکەرەوەی لووت
- پاراستنی چاوەکان
- نەبەستنی هاوێنەی دەستکردی چاو
- دوورکەوتنەوە لە کێشانی جگەرە، نێرگەلە و ڤەیپ
- هێواشبوون لەکاتی لێخوڕین
هەر بەپێی CDC ئەمانەی خوارەوەش گرووپە مەترسیدارەکان بۆ کاریگەریی خۆڵبارین کە دەشێت خۆڵبارین تووشی کێشەی تەندروستییان بکات وەکو؛
- تووشبووانی نەخۆشییەکانی کۆئەندامی هەناسە
- تووشبووانی رەبۆ و شێرپەنجە
- منداڵ و بەساڵاچووان
- خانمانی دووگیان
- ئەوانەی بەرگریی جەستەیان لاوازە
- ئەوانەی هەستیارییان هەیە
