رووداو - تەندروستی
توێژینەوەیەک لە چین ئاشکرای دەکات، خەوی تەندروست مەترسیی تووشبوون بە جەڵتەی دڵ کەمدەکاتەوە.
توێژەران زانیارییەکانی 10 ساڵی بەشداربووانی کۆمەڵەی دۆنگفێنگ تۆنگجی لە چین کۆکردەوە و بۆیان دەرکەوت، خەوێکی باشتر و خەوێکی تێر مەترسیی تووشبوون بە نەخۆشییەکانی دڵ و لوولەکانی خوێن کەمدەکاتەوە.
توێژینەوەکە لەسەر 15 هەزار و 306 کەس کراوە کە تەمەنی بەشداربووەکان بە نزیکەیی 66 ساڵ بووە، سەرپەرشتیاری توێژینەوەکە دەڵێت: شێوازێکی خەوی رێک پەیوەندی بە تەواوی تەندروستیی جەستە و دەروونی تاکەوە هەیە.
ئەم سەرپەرشتیارە ئاماژە بەوەش دەکات، ئەو کەسانەی کێشەی خەویان هەیە، پێویستە دووبارە بیربکەنەوە و دووربکەونەوە لە هەر شتێک کە خەویان تێک دەدات بەتایبەت بەکارهێنانی ئامێرە ئەلیکترۆنییەکان پێش خەوتن.
بەگوێرەی رێکخراوی تەندروستیی جیهانی، پێویستە کەسێکی پێگەیشتوو نزیکەی 7 بۆ 8 کاژێر بخەوێت.
