د. محەممەد جەباری - قاپێک سەروپێ. وێنە: رووداو
رووداو - تەندروستی
پسپۆڕێکی کلینیکیی خۆراکی دەڵێت: ئەو خۆراک و خواردنەوانەی نووسراون ''شەکری تێدا نییە'' مەبەست ئەوەیە شەکری زیادیان تێدا نییە، بەڵکو شیرینکەرەکانیان تێدایە.
ئەمڕۆ پێنجشەممە 14-11-2024 د. محەممەد جەباری، پسپۆڕی کلینیکیی خۆراکی لە بەرنامەی رۆژی هیوا جەمال رایگەیاند، شیرینکەرەکانی نێو خۆراک و خواردنەوە دایتەکان دە ئەوەندەی شەکری ئاسایی شیرینترن، بۆ کۆڵۆن و هەوکردنەکان خراپن.
د. محەممەد جەباری لەبارەی سەروپێوە قسەدەکات و دەڵێت: پڕە لە مادەی ئاسن، زینک، چەوری و ڤیتامینەکان، هەر بۆیە خواردنی خراپ نییە، بەڵام چونکە چەوری و خوێی زۆری تێدایە، زۆر نەخورێت.
زیاتر روونی دەکاتەوە، سەروپێ بۆ کەسێکی تەندروست ئاساییە هەفتانە جارێک بخورێت، بەڵام ئەوانەی نەخۆشییە درێژخایەنەکانیان هەیە، لە مانگێکدا جارێک بیخۆن.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ