هەڵەیەک روویدا! دووبارە هەوڵبدە
تەندروستی
د. سۆران ئەحمەد، پسپۆڕی پزیشکیی فریاکەوتن - د. هونەر رێبوار، پێشکێشکاری پۆدکاستی نەخۆشنامە.
رووداو - تەندروستی
پۆدکاستی نەخۆشنامەی ئەم هەفتەیە باسی چیرۆکی نەخۆشێکی 40 ساڵان دەکات کە چووەتە فریاکەوتن و پزیشکان بینیویانە هەمووی جەستەی رووشاوە و خوێنی لێدەچۆڕێ، کە لێیان پرسیوە چییەتی؟ گوتەیەتی کە لەگەڵ سەگ شەڕی کردووە و هەموو جەستەی گەستووە، ئەویش گازی لە سەگەکە گرتووە.
د. سۆران ئەحمەد، پسپۆڕی پزیشکیی فریاکەوتن میوانی پۆدکاستەکەیە و دەڵێت: هەندێک سەگ نەخۆشیی هاریان هەیە کە مەترسیدارن و دەشێت ببنەهۆی گیانلەدەستدان، بەوەش دەناسرێنەوە کە دەموچاویان گرژە و لیک بە دەمیاندا دێتە خوارەوە و تووندڕەون.
پشنیازدەکات لەکاتی گەستنی سەگ ئەمانە جێبەجێبکرێن؛
- شوێنی برینەکە ئەگەر خوێنی لێهات، پەستانی بخرێتەسەر تاوەکو خوێنەکە رابگیرێت.
- شووشتنی شوێنی برینەکە بە ئاو و سابوون، چونکە ئەوە ناهێڵێت ڤایرۆسی نێو لیکی سەگەکە بچێتە جەستە.
- بگەیێندرێتە نەخۆشخانە؛ ئەگەر زانرا کەسەکە مەترسیی لەسەرە ئەوا دەرزیی دژە هاریی یاخود بەرزکردنەوەی بەرگریی جەستەی دەدرێتێ.
ئەو دەڵێت: منداڵان قوربانیی سەرەکیی گەستنی سەگن و ئەرکی دایک و باوکانە رێنوێنیی منداڵەکانیان ببن کاتێک دەچنە دەرەوە، هۆشداریش دەدات کە هەر گەستنێک بە پشیلە، سەگ و شەمشەمەکوێرە هەبێت، ئەوا ئەگەری تووشبوون بە نەخۆشیی هاری هەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ