هەڵەیەک روویدا! دووبارە هەوڵبدە
رووداو - تەندروستی
کۆمەڵەی دڵ لە ئەمریکا رایدەگەیێنێت، نەخۆشیی بەرزەپەستانی خوێن لەنێو منداڵان دا بەرزبووەتەوە و هۆشداری دەداتە دایک و باوکان.
توێژینەوەیەکی کۆمەڵەی دڵ لە ئەمریکا ئاشکرای دەکات، 14٪ـی منداڵانی ئەمریکا دووچاری بەرزەپەستانی خوێن بوون یاخود نزیکبوونەتەوە لە تووشبوون بەو نەخۆشییە.
د. ئەهلیا سێکاری، توێژەری سەرەکیی توێژینەوەکە دەڵێت: ''زیاتر لە دوو هەزار و 500 منداڵ پشکنراون و زۆرینەی ئەوانەی نەخۆشییەکەیان هەبووە قەڵەو و کێشزۆرەکان بوون''.
بەپێی ئامارەکانی کۆمەڵەکە، نزیکەی 50٪ـی خەڵک تووشبووی بەرزەپەستانی خوێنن کە ئەوەش ئەگەری تووشبوون بە جەڵتە زیاددەکات، دایک و باوکانیش هۆشیاردەکرێنەوە لە کۆنتڕۆڵکردنی خەو و خۆراکی منداڵەکانیان بۆ ئەوەی قەڵەو نەبن.
بەپێی ئەکادیمیای پسپۆڕانی منداڵان لە ئەمریکا رێگەکانی کەمکردنەوەی قەڵەوبوونی منداڵان بەم شێوەیەیە؛
- سنووردارکردنی شیرینییەکان، خۆراکە خێرا و ئامادەکراوەکان و کاتەکانی بەکارهێنانی شاشە
- وەرزش و جووڵەی رۆژانە
- کەمکردنەوەی گوشاری دەروونی و هەڵبژاردنی ژینگەی خاوێن
- رێکخستنی ژەمی خۆراک و کاتەکانی خەو
کۆمێنتەکان
وەک میوان کۆمێنتێك بنووسە یان وەرە ژوورەوە و ههموو خزمەتگوزارییەکان بهكاربێنه
کۆمێنتێک دابنێ