رووداو - تەندروستی
توێژینەوەیەکی نوێێ ئەم دواییانەی جیهانی دەریدەخات، زێدەڕۆیی لە خواردنەوەی قاوە و چەند خواردنەوەیەکی دیکە دەکرێت کۆتاییەکەی جەڵتە بێت.
توێژینەوەکە بە هاوبەشی لەنێوان زانکۆی گالوای لە ئێرلاند و زانکۆی ماکماستەر لە کەنەدا لەسەر هەزاران کەسی 27 وڵات کرا و دەرکەوت، قاوە و خواردنەوە گازییەکان بڕێک لە تواوەی گازی ژەهراویی دووانەئۆکسیدی کاربۆنیان تێدایە و ئەگەر زێدەڕۆیی لە خواردنەوەیاندا بکرێت، ئەوا 22٪ ئەگەری تووشبوون بە جەڵتە زیاددەکەن.
د. مارتن دۆنێڵ، نووسەرێکی لێکۆڵینەوەکە دەڵێت: ''خواردنەوەی 3 بۆ 4 کووپ قاوە لە رۆژێکدا ئاساییە، بەڵام ئەگەر لەو بڕە زیاتر بوو ئەوا کاریگەریی نەرێنیی دەبێت و بۆمان دەرکەوتووە کە 37٪ ئەگەری تووشبوون بە جەڵتەی مێشک زیاددەکات''.
هەمیشە سوود و زیانەکانی هەر خۆراک و خواردنەوەیەک بەندە بەو بڕەی کە دەیخۆیتەوە، هەر بۆیە کاتێک باسی سوودەکانی قاوە دەکرێت، مانای وایە کە ئەگەر بە بڕێکی دیاریکراو بخورێتەوە ئینجا سوودی دەبێت.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ