رووداو - تەندروستی
توێژینەوەیەکی زانکۆی کۆلۆمبیا دەریدەخات، دەشێت قەرەبووی دانیشتنی رۆژانەی هەفتەیەک بکەیتەوە بە ئەنجامدانی 140 خولەک وەرزشی مامناوەند بۆ بەهێز.
بە گوێرەی ئەم توێژینەوەیە، ئەوانەی رۆژانە هەشت کاژێر یاخود زیاتر لە رۆژێکدا دادەنیشن و هیچ وەرزشێک ئەنجامنادەن، ئەگەری مردنی لەناکاویان بەڕێژەی 77٪ زیاددەبێت و ئەم رێژەیە لەو کەسانەی 140 خولەک لە هەفتەیەکدا وەرزش دەکەن بۆ 20٪ کەمدەبێتەوە.
توێژینەوەکە ئاماژە بەوەدەکات، ئەوانەی کەمتر لەو کاتە وەرزش دەکەن ئەگەری تووشبوونیان بە نەخۆشییەکانی دڵ بەڕێژەی 3.5٪ زیاترە.
د. ساندرا ئەلبرێخت، سەرپەرشتیاری توێژینەوەکە دەڵێت، ''ئەنجامی ئەم توێژینەوەیە دەبێت خەڵک هانبدات لەوەی بەردەوام جوڵەیان هەبێت و وەرزشبکەن''.
بە گوێرەی ناوەندی کۆنتڕۆڵ و پێشگیریکردن لە نەخۆشییەکان CDC، هەر یەکە لە رۆیشتن بە خێرایی، یاریکردنی تێنسی دووانە و پاڵنانی ئامێری چیمەنبڕین بە وەرزشی مامناوەند دادەندرێن، هەروەها چەند نمونەیەکی وەرزشە بەهێزەکان بریتین لە راکردن، مەلەکردن، پایسکیلسواری و یاریکردنی تێنس لەسەر ئاستی تاک یاخود باسکە.