رووداو - تەندروستی
یەکێک لە ئەندامانی تیمی کلینیکی ئەنتیتۆباکۆ باسی دیاردەی کێشانی دووکەڵ لەنێو منداڵان دەکات و پشکنینیان بۆ منداڵێک کردووە و لەبارەی ئەنجامەکەیەوە دەڵێت: منداڵێکی 14 ساڵان، ماوەی پێنج ساڵ بوو جگەرەی دەکێشا و تووشی شۆکی کردین.
لەنێو بەرنامەی دەروون باسی کاریگەرییە دەروونی، جەستەیی و کۆمەڵایەتییەکانی جگەرە، نێرگەلە و ڤەیپکێشان کرا و ئەحمەد جەمال، یەکێک لە ئەندامانی کلینیکی ئەنتیتۆباکۆ گوتی، ئەو منداڵە 14 ساڵانە بە پشکنین بۆمان دەرکەوت کە تەمەنی سییەکانی گەیشتووەتە 45 ساڵ نەک ئەوەی هی کەسێکی 14 ساڵان بن.
پشکنین لە کلینیکی ئەنتیتۆباکۆ چۆنە؟
کلینیکەکە لەنێو نەخۆشخانەی تایبەتی ''پار''ـە و پزیشکی پسپۆڕی سینگ و هەناسە، پزیشکی گشتی و تیمی پەرستاریی راهێندراو هەن، هەموو ئامێرە پزیشکییە پێویستەکان بۆ پشکنین و چارەسەرە پزیشکییەکان دابینکراون.
د. رێباز هەمزە، سەرپەرشتیاری کلینیکی ئەنتیتۆباکۆ و پسپۆڕی وردی نەخۆشییەکانی کۆئەندامی هەناسەدان دەڵێت ''لە کلینیکەکە هەرکەسێک ناوی تۆماردەکرێت، پەیوەندیی پێوە دەکرێت و لە کلینیکی ئەنتیتۆباکۆ پشکنین و چاودێریی دەکرێت، بە کەسەکەش دەڵێین تەمەنی سییەکانی چەندە بەراورد بە تەمەنی خۆی''.
لەنێو کلینیکەکە ئەم خزمەتگوزارییانە پێشکێشدەکرێن؛
شیکردنەوەی مێژووی پزیشکیی کەسەکە
پشکنینی گشتیی کلینیکی
پشکنینی توانای سییەکان
پشکنینی گشتیی خوێن
تیشکی سینگ
پشکنینی رێژەی یەکەئۆکسیدی کاربۆن
پشکنینی راددەی کاریگەریی جگەرە، ڤەیپ و نێرگەلەکێشان لەسەر تەندروستیی کەسەکە
بۆ ئەوەی بەشداریبکەیت پێویستە لەم فۆڕمە ناوت تۆماربکەیت، یاخود پەیوەندی بە 07513233353 یان 07713233353 بکەیت.
تەواوی بەرنامەی دەروون، لێرە ببینە؛
تەواوی بەرنامەی دەروون، لێرە ببینە؛