ئەم فیچەرەمان باس لە خانووەکی یادگاری دەکات کە لە شاری سلێمانی لە ساڵی 1959دا دروست کراوە. ئەم خانووە یادگارییەکی گرنگی خێزانی منیرە حەمە کەریمی بەننایە، کە بە ''منیرە خانووەستا'' ناوی دەرکردووە.
خانووەکە لەلایەن باوکی منیرە دروست کراوە. لە 10 ژوور پێک هاتووە و هەموو شتەکانی وەکو خۆی ماوەتەوە.
لە ناو خانووەکەدا هەموو یادگارییەکانی باوکی منیرە ماوەتەوە وەک: کورسی ریشتاشین، جزدان، فافۆنە کۆنەکان، تەسبیحەکان و کەلوپەلی ژیانی ڕۆژانە.
ئەم خانووە یادگارییەکی گرنگە کە نەک تەنها یادگاری کەسیی خێزانەکەیە، بەڵکو بەشێکە لە مێژووی شاری سلێمانی. پاراستنی ئەم خانووە واتای پاراستنی یادگاری نەوەکانی پێشووە.
