بەشی نوێی 'Captain America' لە لۆس ئەنجلس پێشاندرا

12-02-2025
پەسار فایەق
نیشانەکردن Captain America هاریسن فۆرد ئەنتۆنی ماکی
A+ A-

رووداو دیجیتاڵ

"Captain America: Brave New World" نوێترین بەشی زنجیرە فیلمی "Captain America"یە، بە ئامادەبوونی ستافی فیلمەکە، پێشاندانی تایبەتی لە لۆس ئەنجلس بەڕێوەچوو.
 
ئەنتۆنی ماکی و هاریسن فۆرد، دوو ئەکتەری دیاری بەشداربووی فیلمەکەن و لە پێشاندانی تایبەتی ئامادەبوون کە بەرەبەیانی چوارشەممە 12ـی شوباتی 2025 (بە کاتی کوردستان)، سێشەممە (بە کاتی ئەمریکا) لە سینەما پێشاندرا.
 
ماکی، رایگەیاند، ئەزموونی لەسەر شانۆ هاوکاری بووە لەوەی رۆڵی سەرەکی لە فیلمەکەدا بگێڕێت. 
 
بڕیارە ئەم بەرهەمە سینەماییە رۆژی هەینی 14ـی شوباتی 2025 لە سینەماکانی ئەمریکا پێشانبدرێت.
 
یەکەم بەشی زنجیرە فیلمەکە بەناوی "Captain America" لە 1990 بەرهەمهێنرا، دووەم بەشی بەناوی "Captain America: The First Avenger" لە 2011 بەرهەمهێنرا، سێیەم بەشی بەناوی "Captain America: The Winter Soldier" لە 2014 و چوارەم بەشی بەناوی " Captain America: Civil War" لە 2016 بڵاوکرانەوە.
 
کارەکتەری کاپتن ئەمریکا، لە چەندین بەرهەمی دیکەی تەلەڤزیۆنی، سینەمایی و ئەنیمەیشندا بەکارهێنراوە، سەرەتای دەرکەوتنیشی بۆ چیرۆکە وێنەییەکان دەگەڕێتەوە کە بە "کۆمێکس" دەناسرێت.
 

ئەنتۆنی ماکی، ئەکتەری ئەمریکی لە پێشاندانی فیلمەکە. وێنە: AFP

کۆمێنتەکان

وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه‌

کۆمێنتێک دابنێ

داواکراوە
داواکراوە
 

دوایین هەواڵەکان

دیمەنێکی باڵەخانەی شارەوانیی بۆکان

شارەوانیی بۆکان بە میوزیکی فۆلکلۆر پێشوازی لە نەورۆز دەکات

شارەوانیی بۆکان ئامادەکاری بۆ پێشوازیکردن لە جەژنی نەورۆز و سەری ساڵی کوردی دەکات، بۆ ئەم مەبەستەش چەند پرۆژەیەکی راگەیاندووە، لەوانە بڵاوکردنەوەی میوزیکی فۆلکلۆر لەسەر شەقامە گشتییەکان، رازاندنەوە و جێبەجێکردنی چەند پرۆژەیەکی خزمەتگوازی لە هاوینەهەواری ناڵەشکێنە.