رووداو دیجیتاڵ
ئەمڕۆ دووشەممە 10-07-2023، شاعیر جەمال ئەمین عارف، ناسراو بە جەمال شارباژێڕیی لە لەندەنی پایتەختی بەریتانیا بە نەخۆشی شێرپەنجەی خوێن کۆچی دواییکرد.
جەمال ئەمین عارف لە 01-10-1941 لە گوندی واژەی شارباژێڕ لەدایکبووە، لە ساڵی 2000وە لە لەندەن دەژی.
دیوان جەمال، کچی جەمال شارباژێڕی بە رووداوی راگەیاند، بەنیازن لە چەند رۆژی داهاتوودا تەرمەکە بگەڕێننەوە و لە هەرێمی کوردستان بەخاکی بسپێرن.
شاعیرەکە لە قەزای چوارتای سەر بە پارێزگای سلێمانی پەیکەرێکی رێزلێنانی بۆ دروستکراوە.
بەشێک لە کتێبەکانی جەمال شارباژێڕی: پارچەیەک لە جگەرم، فرمێسکی نهێنی، ئەلبوومی یادگار، رۆمانی روانگەی هەژان و ژان، ملوانەکەی هەزار دەنکەی شارباژێڕ.
جەمال ئەمین، ئەندامی دەستەی دامەزرێنەرانی روانگە بوو. لە کۆتایی 60ـەکانی سەدەی رابردوو دەستی بە نووسینی شیعر کردووە، خاوەنی سەدان شیعرە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ