رووداو دیجیتاڵ
دارا لالۆ ئەکتەرێکی گەنجی بزۆزە لە ئەوروپا، خەڵکی شاری کۆبانێی رۆژئاوای کوردستانە، رۆژانی رابردوو چووە 76مین فێستیڤاڵی نێودوڵەتیی فیلمی کان.
دارا لالۆ میوانی بەرنامەی 'دیاسپۆرا' بوو و رایگەیاند، بۆیەکەمجار بەشداری لە فێستیڤاڵی نیودەوڵەتیی فیلمی کاندا کرد، کاتێک چووەتە فێستیڤاڵەکە شۆک بووە، هەوڵیداوە سێڵفی لەگەڵ ئەستێرەکانی سینەمای جیهان بگرێت، بەڵام بۆی نەڕەخساوە و گوتی"لە فێستیڤاڵی کان تەنیا توانیم سێڵفی لەگەڵ دوو کەسایەتیی ئەڵمانیدا بگرم".
دارا لالۆ گوتیشی: "من خەڵکی کۆبانێم و لەوێ لەدایکبووم، بەڵام لە عەفرین شانۆم خوێندووە و حەوت ساڵ پێش ئێستا هاتمە ئەڵمانیا و ئێستا لە زانکۆی میونشن وەرزش دەخوێنم، دەمەوێ لە داهاتوویەکی نزیکدا لە سینەمای ئەڵمانیا بخوێنم و ببمە ئەکتەرێکی دیار".
دارا لالۆ، وەک ئەکتەر بەشداریی لە فیلمێکی سینەماییدا کردووە و ئێستا وەک کەسێکی دیار لە تۆڕە کۆمەڵایەتییەکاندا دەردەکەوێت و هەواداری هەیە.
کۆمێنتەکان
وەک میوان کۆمێنتێك بنووسە یان وەرە ژوورەوە و هه‌موو خزمەتگوزارییەکان به‌كاربێنه
کۆمێنتێک دابنێ