رووداو - بالیسان
لە سەر مەزاری شەهیدان لە شارۆچکەی بالیسان مەراسیمێک بۆ یادکردنەوەی 29 ساڵەی کیمیابارانکردنی گوندی شێخ وەسانان و شارۆچکەی بالیسان سازکرا، بریندارانی کیمیابارانەکەش لەو یادەدا دەڵێن: پێویستمان بە یادکردنەوە نییە، بەڵکو پێویستمان بە چارەسەرکردنە.
بە ئامادەبوونی بەرپرسانی حیزبی و حکومی و بەشێک لە کەسوکاری شەهیدانی کیمیابارانەکە، یادکردنەوەکە بەڕێوەچوو، بەڵام ئەمساڵ یادکردنەوەکە وەکو ساڵان گەرموگوڕ نەبوو، چونکە وەزارەتی کاروباری شەهیدان و ئەنفالکراون هیچ بودجەیەکی بۆ دابین نەکردبوو، بەشێکی کەسوکاری شەهیدانیش بایکۆتی یادکردنەوەکەیان کرد.
لە سەر مەزاری شەهیدان لە شارۆچکەی بالیسان: بە دانانی تاجە گوڵینە، بەخشینی مەدالیای رێزلێنان بە تاقەنەیەکی کیمیاباران و چاندنی 370 نەمام یادی 29 ساڵەی کیمیابارانی گوندی شێخ وەسانان و شارۆچکەی بالیسان کرایەوە.
فوئاد عوسمان، گوتەبێژی وەزارەتی کاروباری شەهیدان و ئەنفال کراوان دەڵێت "نایشارینەوە ئەو قەیرانە داراییە کاریگەری هەبووە لەسەر یادکردنەوەکە و نەمانتوانیوە وەکو پێویست خزمەتگوزاری پێشکەش بە کەسوکاری قوربانییەکان بکەین".
بەشی زۆری قوربانیانی کیمیابارانی گوندی شێخ وەسانان و شارۆچکەی بالیسان بە یادکردنەوەکە دڵخۆش نین، چونکە تا دێت باری تەندروستی و دەروونی بریندارانی چەکی کیمیایی خراپتر دەبێت و، ئەوان دەڵێن: پێویستمان بە چارەسەر هەیە، نەوەک یادکردنەوە.
بەختیار رەشید، کەسوکاری قوربانیانی گوندی شێخ وەسانان دەڵێ " تەنیا برینەکانمان نوێ دەبنەوە و هەموو ساڵێک بەڵێنمان پێدەدرێت و جێبەجێ ناکرێن، بریندارەکانمان حسابیان بۆ ناکرێت و ئەوەی هەیە تەنیا بەڵێنە".
29 ساڵ لەمەوبەر حکومەتی بەعس گوندی شێخ وەسانان و شارۆچکەی بالیسانی کیمیاباران کرد، بەم هۆیەوە 265 هاونیشتمانی شەهید بوون و 350-ی دیکەش برینداربوون، ئەو بریندارانەی چەکی کیمیایش کە لەژیاندا ماون تاوەکو ئێستا ئاسەواری چەکی کیمیاییان بەجەستەوە دیارە.
لە سەر مەزاری شەهیدان لە شارۆچکەی بالیسان مەراسیمێک بۆ یادکردنەوەی 29 ساڵەی کیمیابارانکردنی گوندی شێخ وەسانان و شارۆچکەی بالیسان سازکرا، بریندارانی کیمیابارانەکەش لەو یادەدا دەڵێن: پێویستمان بە یادکردنەوە نییە، بەڵکو پێویستمان بە چارەسەرکردنە.
بە ئامادەبوونی بەرپرسانی حیزبی و حکومی و بەشێک لە کەسوکاری شەهیدانی کیمیابارانەکە، یادکردنەوەکە بەڕێوەچوو، بەڵام ئەمساڵ یادکردنەوەکە وەکو ساڵان گەرموگوڕ نەبوو، چونکە وەزارەتی کاروباری شەهیدان و ئەنفالکراون هیچ بودجەیەکی بۆ دابین نەکردبوو، بەشێکی کەسوکاری شەهیدانیش بایکۆتی یادکردنەوەکەیان کرد.
لە سەر مەزاری شەهیدان لە شارۆچکەی بالیسان: بە دانانی تاجە گوڵینە، بەخشینی مەدالیای رێزلێنان بە تاقەنەیەکی کیمیاباران و چاندنی 370 نەمام یادی 29 ساڵەی کیمیابارانی گوندی شێخ وەسانان و شارۆچکەی بالیسان کرایەوە.
فوئاد عوسمان، گوتەبێژی وەزارەتی کاروباری شەهیدان و ئەنفال کراوان دەڵێت "نایشارینەوە ئەو قەیرانە داراییە کاریگەری هەبووە لەسەر یادکردنەوەکە و نەمانتوانیوە وەکو پێویست خزمەتگوزاری پێشکەش بە کەسوکاری قوربانییەکان بکەین".
بەشی زۆری قوربانیانی کیمیابارانی گوندی شێخ وەسانان و شارۆچکەی بالیسان بە یادکردنەوەکە دڵخۆش نین، چونکە تا دێت باری تەندروستی و دەروونی بریندارانی چەکی کیمیایی خراپتر دەبێت و، ئەوان دەڵێن: پێویستمان بە چارەسەر هەیە، نەوەک یادکردنەوە.
بەختیار رەشید، کەسوکاری قوربانیانی گوندی شێخ وەسانان دەڵێ " تەنیا برینەکانمان نوێ دەبنەوە و هەموو ساڵێک بەڵێنمان پێدەدرێت و جێبەجێ ناکرێن، بریندارەکانمان حسابیان بۆ ناکرێت و ئەوەی هەیە تەنیا بەڵێنە".
29 ساڵ لەمەوبەر حکومەتی بەعس گوندی شێخ وەسانان و شارۆچکەی بالیسانی کیمیاباران کرد، بەم هۆیەوە 265 هاونیشتمانی شەهید بوون و 350-ی دیکەش برینداربوون، ئەو بریندارانەی چەکی کیمیایش کە لەژیاندا ماون تاوەکو ئێستا ئاسەواری چەکی کیمیاییان بەجەستەوە دیارە.
