رووداو- BBC
دوای 28 ساڵ لە دزرانی، ژنێکی ئەمریکی ئۆتۆمبێلەکەی لە شارۆچکەکەی خۆی دۆزییەوە.
لیدیا ئاسلیپی تەمەن 45 ساڵ، ئەو کاتەی تەمەنی 17 ساڵبوو، ئۆتۆمبێلە فۆردەکەی لە شارۆچکەی سالیناز لە ویلایەتی کالیفۆرنیا لێ دزرا، بەڵام دوای 28 ساڵ، لە گەراجێکی هەمان شارۆچکە ئۆتۆمبێلەکەی دۆزرایەوە.
لیدیا لەو کاتەی پۆلیس ئۆتۆمبێلەکەی بۆ گەڕاندەوە، فرمێسکی خۆشی دەباراند و رایگەیاند، "بە خەیاڵیش بیرم لە دۆزینەوەی نەدەکردەوە".
ئۆتۆمبێلەکە لە جۆری فۆرد مۆستانگ مۆدێل 1967ـە، کە یەکەم ئۆتۆمبێلی لیدیا ئاسلیپ بوو.
