کوردیKURDÎENGLISHTÜRKÇEعربي
Rudaw Logo
راستەوخۆ
کوردستانهەواڵە ناوخۆییەکاندیاسپۆرا
رۆژهەڵاتی نێوەڕاست
جیهانئابووریهەڤپەیڤینتەندروستیپۆدکاستبیروڕاکولتووروەرزشمەڵتیمیدیابەرنامەکاندۆکیۆمێنتاری
راستەوخۆ
Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزی•مەرج و بەندەکان

© 2026 هەموو مافەکان پارێزراون.

Rudaw

ئەپلیکەیشنی رووداو دابەزێنە

App StoreGoogle Play
نهێنیپارێزیمەرج و بەندەکان

© 2026 هەموو مافەکان پارێزراون.

Article hero image
ئێران

ئیسماعیل بەقایی رەتی دەکاتەوە تاران بەدوای دروستکردنی چەکی کیمیاییەوە بێت

پەیمان محەممەد

پەیمان محەممەد

20-11-2026
گوێبگرە
0:00
0:00
قەبارەی دەق
پەیمان محەممەد
پەیمان محەممەد20-11-2026

بابەتی پەیوەندیدار

سوپای پاسداران: مین لە تەنگەی هورمز بە کەشتییەکی گواستنەوەی نەوتدا تەقییەوە و گڕی گرت
ئێران20-11-2026

سوپای پاسداران: مین لە تەنگەی هورمز بە کەشتییەکی گواستنەوەی نەوتدا تەقییەوە و گڕی گرت

دەنگی تەقینەوە لە ئاسمانی دوورگەی قیشمی ئێران بیسترا
ئێران20-11-2026

دەنگی تەقینەوە لە ئاسمانی دوورگەی قیشمی ئێران بیسترا

سوپای ئێران: لە 24 کاژێردا لە تەنگەی هورمز مین بە چوار کەشتیدا تەقیوەتەوە
ئێران20-11-2026

سوپای ئێران: لە 24 کاژێردا لە تەنگەی هورمز مین بە چوار کەشتیدا تەقیوەتەوە

رووداو دیجیتاڵ


گوتەبێژی وەزارەتی دەرەوەی ئێران رەتی دەکاتەوە وڵاتەکەی بەدوای دروستکردنی چەکی کیمیایی و بایۆلۆجییەوە بێت و دەڵێت: "بانگەشەی ئەمریکا بۆ پەرەپێدانی تاران بەو جۆرە چەکانە، تەنیا پاساوهێنانەوەیە بۆ درێژەپێدان بە جەنگ."


ئیسماعیل بەقایی لە پەیامێکدا لە ئێکس، وەڵامی دۆناڵد ترەمپ، سەرۆکی ئەمریکا، دەداتەوە کە پێشتر باسی لەوە کردبوو، هەندێک نیشانە هەن کە تاران بەدوای دروستکردنی چەکی کیمیایی و بایۆلۆجییەوەیە.


لە پەیامەکەی ئیسماعیل بەقاییدا هاتووە: "بەرپرسانی ئەمریکی دوای داڕشتنی درۆی گەورەی هەڕەشەی ئەتۆمیی ئێران، ئێستا بانگەشەی ئەوەیان کردووە کە نیشانە هەن ئێران سەرقاڵی پەرەپێدانی چەکی بایۆلۆجی یان کیمیاییە. هەمان بانگەشە ساختەکان لەبارەی بوونی چەکی کۆمەڵکوژ لە عێراق."


بەر لە هێرش بۆ سەر عێراق و رووخاندنی رژێمی بەعس لە ساڵی 2003ـدا، ئەمریکا رایگەیاند، هەندێک بەڵگە بەردەستن کە بەغدا سەرقاڵی دروستکردن و بەکارهێنانی چەکی کۆمەڵکوژە. گوتەبێژی وەزارەتی دەرەوەی ئێران لەوبارەوە گوتی: "ئەوە ئامرازێک بوو بۆ ورووژاندنی رای گشتی، چاندنی ترس و رێخۆشکردن بۆ هێرشی سەربازی بۆ سەر عێراق؛ هێرشێک کە لێکەوتەکانی نەوەک هەر بۆ خەڵکی ئەو وڵاتە، بەڵکو بۆ تەواوی ناوچەکە و تەنانەت خودی ئەمریکاش کارەسات بوو."


ئیسماعیل بەقایی ئەوەشی خستەڕوو: "ئێستا جارێکی دیکە لە هەمان خاڵی ساڵی 2003 وەستاوین؛ دووبارەبوونەوەی بانگەشەکان و گێڕانەوە ساختەکان کە هەمان مۆدێلە کۆنەکە دەهێنێتەوە یاد."


گوتەبێژی وەزارەتی دەرەوەی ئێران بانگەشەی ترەمپ و بەرپرسانی ئەمریکی بۆ پەرەپێدانی چەکی کیمیایی و بایۆلۆجی لەلایەن ئێرانەوە بە "درۆ، پاساوهێنانەوە بۆ درێژەپێدان بە جەنگ و دەستدرێژیکردن" بۆ سەر وڵاتەکەی دەزانێت.


جیا لە قسەکانی دۆناڵد ترەمپ، زانیارییە نوێیەکانی دەزگای هەواڵگریی ئەمریکا دەریدەخەن کە ئێران سەرقاڵی داڕشتنی کۆمەڵێک پلانە بۆ بەئامانجگرتنی بەرپرسانی باڵای ئیدارەی دۆناڵد ترەمپ، لەڕێگەی تەقاندنەوەی ئەوەی پێی دەگوترێت "بۆمبی پیس" (بۆمبی تیشکدەر) یان بەکارهێنانی چەکی کیمیایی لەناو شاری واشنتنی پایتەختدا.


حەوت بەرپرسی ئەمریکی بە میدیایان راگەیاندووە کە بەپێی هەڵسەنگاندنە هەواڵگرییەکان، ئەم پلانەی ئێران ئێستا تەنیا وەک بژاردەیەکە لەبەردەستی تاراندا، نەک ئاماژەیەک بۆ هێرشێکی دەستبەجێ؛ بەڵام ئەو زانیارییانەی دەست هەواڵگریی ئەمریکا کەوتوون زۆر وردن و شوێن و ئامانجە دیاریکراوەکانی لەخۆگرتووە، ئەمەش بووەتە هۆی ئەنجامدانی زنجیرەیەک کۆبوونەوەی بەپەلەی ئەمنی لە واشنتندا بۆ بەرپەرچدانەوەی هەر مەترسییەکی لەو شێوەیە.


بابەتی پەیوەندیدار

سوپای پاسداران: مین لە تەنگەی هورمز بە کەشتییەکی گواستنەوەی نەوتدا تەقییەوە و گڕی گرت
ئێران20-11-2026

سوپای پاسداران: مین لە تەنگەی هورمز بە کەشتییەکی گواستنەوەی نەوتدا تەقییەوە و گڕی گرت

دەنگی تەقینەوە لە ئاسمانی دوورگەی قیشمی ئێران بیسترا
ئێران20-11-2026

دەنگی تەقینەوە لە ئاسمانی دوورگەی قیشمی ئێران بیسترا

سوپای ئێران: لە 24 کاژێردا لە تەنگەی هورمز مین بە چوار کەشتیدا تەقیوەتەوە
ئێران20-11-2026

سوپای ئێران: لە 24 کاژێردا لە تەنگەی هورمز مین بە چوار کەشتیدا تەقیوەتەوە

پێشنیازەکان

ئەمەنەش ببینە