رووداو دیجیتاڵ
کەمێک لەمەوبەر لە کۆمەڵگەی سێبیرانی هەولێر درۆنێک کەوتە خوارەوە، دوای ئەوەی لەلایەن سیستمی بەرگریی هاوپەیمانان تێکشکێندرا.
درۆنەکە دوای کاژێر 1:00ی بەرەبەیانی ئەمڕۆ لەسەر بانی ماڵی هاونیشتمانییەکی کۆمەڵگەکە کەوتووەتە خوارەوە و هیچ زیانێکی گیانی نەبووە.
نورهات هەرکی، دانیشتووی گوندی سێبیران بە رووداوی راگەیاند، درۆنەکە لەلایەن سیستەمی بەرگریی هێزەکانی ئەمریکا بەرپەرچ درایەوە و کەوتە سەر بانی ماڵێک لە نێو کۆمەڵگەی سێبیران، بەڵام خۆشبەختانە هیچ زیانێکی گیانی نەبوو.
ئەو هاونیشتمانییە راشیگەیاند، هەر دوای رووداوەکە دەستبەجێ هێزە ئەمنییەکان گەیشتنە شوێنەکە و دەستیان بە لێکۆڵینەوە کرد.
🔴درۆنەکە لە ئاسمان دەتەقێندرێتەوە؛ سەیری ئەو دیمەنە بکەن لە سنووری هەولێر تۆمار کراوە کاتێک سیستمی بەرگری بەرپەرچی هێرشی درۆنێک دەداتەوە pic.twitter.com/M8y6C5yt1o
— Rudaw (@Rudawkurdish) March 10, 2026
کۆمەڵگەی سێبیران دەکەوێتە تەنیشت فڕۆکەخانەی هەولێر، زۆربەی هێرشە درۆنی و مووشەکییەکانیش دەکرێتە سەر فڕۆکەخانەکە. نورهات هەرکی دەڵێت، "بەردەوام درۆن و پارچەی درۆن و مووشەک لە دەروبەرمان دەکەوێتە خوارەوە، بۆیە ژیانمان لە مەترسیدایە."
🔴ڤیدیۆ... درۆنێک لە سەربانی ماڵێک لە سێبیران لە سنووری هەولێر کەوتووەتە خوارەوە و لە ناکاو جارێکی دیکە دەتەقێتەوە pic.twitter.com/cRaUuohNun
— Rudaw (@Rudawkurdish) March 10, 2026
.jpg&w=3840&q=75)
