رووداو دیجیتاڵ
زۆرینەی باخەکانی خانەقین لە سەنتەری شارەکەن، لەدوای ساڵی 2003وە وردە وردە بە مەبەستی فرۆشتنیان لەناودەبرێن، لە ماوەی چەند ساڵی رابردووشدا بە هۆکاری سرووشتی و مرۆیی بەشێکی زۆریان وشک بوون و لەنێوچوون.
پێشتر لە خانەقین 100 هەزار دارخورما هەبوون، بەڵام بە هۆکاری جیاواز ئێستا بۆ زیاتر لە نیوەی ئەو ژمارەیە کەم بوونەتەوە.
ئێستا خانەقینییەكان سەرەڕای بارودۆخی ئەمنی و خزمەتگوزاری، خەمی لەنێوچوونی باخەکانی نێو شارەکە و نەمانی نازناوەکەیانە کە پێشتر بە شاری "نێوباخان" ناوی دەهێندرا.