رووداو دیجیتاڵ
هاونیشتمانییەکی تەمەن 60 ساڵ لە شیلادزێ بە رووداوی هاتووچۆ گیانی لەدەستدا.
رووداوە هاتووچۆکە کاژێر 07:00ی ئەمشەو لە سەنتەری ناحیەی شیلادزێ لە سنووری ئامێدی روویدا. هاونیشتمانییەک بەناوی محەممەد رەشید عومەر گیانی لەدەستدا.
خەلیل چێی، کەسوکاری ئەو هاونیشتمانییە بە رووداوی گوت، 15 ساڵ بوو دۆخی دەروونیی محەممەد رەشید تەواو نەبوو، زۆرینەی کاتەکانی لە شیلادزێ بەسەردەبرد.
ئەو هاونیشتمانییە دەڵێت، محەممەد رەشید لەسەر شەقامی سەرەکیی ناحیەی شیلادزێ بووە، لەو کاتەدا ئۆتۆمبێلێک خۆی پێداکێشاوە، بەهۆیەوە گیانی لەدەستداوە.
محەممەد رەشید عومەر، ژیانی هاوژینی پێکنەهێنابوو. ئەمە بەگوتەی کەسوکارەکەی.