رووداو دیجیتاڵ
سەرۆكی هەرێمی كوردستان سەرەخۆشی لە بنەماڵەی مستەفا نێروەیی دەكات بەبۆنەی کۆچی دوایی نەهیلا رەئوف، هاوسەری پێشمەرگەی کۆچکردوو مستەفا نێروەیی.
ئەمڕۆ هەینی 14-08-2026 نێچیرڤان بارزانی، سەرۆكی هەرێمی كوردستان لە پەیوەندییەكی تەلەفۆنیدا لەگەڵ ساڵح مستەفا نێروەیی، کوڕی نەهیلا رەئوف، "پرسە و سەرەخۆشیی لە خانەوادە و کەسوکار و دۆستانیان کرد و هیوای خواست كە خوای مەزن گیانی خوالێخۆشبوو بخاتە بەر میهرەبانی و بەزەیی خۆی و ئارامی و دڵنەوایی بە هەمووان ببەخشێت."
لای خۆیەوە ساڵح مستەفا نێروەیی، "سوپاسی سەرۆك نێچیرڤان بارزانی کرد و پێزانینی خۆی و خانەوادەکەیانی بۆ پەیوەندیی تەلەفۆنی و هاوخەمیی بەڕێزیان بۆ كۆچی دواییی دایكی خوالێخۆشبوویان، دەربڕی."
ئەمڕۆ 14ی ئابی 2026 نەهیلا رەئوف، هاوسەری پێشمەرگە و تێكۆشەری دێرینی کۆچکردوو مستەفا نێروەیی کۆچی دواییکرد.
