رووداو
دیجیتاڵ
حکومەتی
عێراق گرێبەستێکی لەگەڵ کۆمپانیای کێپت واژوو کرد، بەمەبەستی پەرەپێدان و خستنەوەکاری
کێڵگەیەکی نەوتی لە پارێزگای سەڵاحەدین.
گرێبەستەکە
بە سەرپەرشتیی عەلی زەیدی، سەرۆکوەزیرانی عێراق لە نێوان کۆمپانیای نەوتی باکوور،
کە کۆمپانیایەکی حکومییە، لەگەڵ کۆمپانیای کێپت واژوو کرا.
بەگوێرەی
گرێبەستەکە، کە ماوەکەی 25 ساڵە، کۆمپانیای کێپت ئەرکی پەرەپێدان و بەکارخستنی کێڵگەی
نەوتی عەجیل لە پارێزگای سەڵاحەدین وەردەگرێت.
ئامانجی گرێبەستەکە پەرەپێدانی کێڵگەی
نەوتی عەجیلە، بەشێوەیەک بەرهەمی رۆژانەی گاز لە 135 ملیۆن پێ سێجاوە دەگاتە 300
ملیۆن پێ سێجا.
هەروەها
بەرهەمی رۆژانەی نەوت لە هەمان کێڵگە لە 30 هەزار بەرمیلەوە بۆ 40 هەزار بەرز دەبێتەوە.
گرێبەستەکە
لە چوارچێوەی هەوڵەکانی وەزارەتی نەوتی عێراقە بۆ زۆرترین سوودوەرگرتن لە سامانە
سرووشتییەکان، ئەوەش لە رێگەی پەرەپێدانی کێڵگە نەوتییەکان بە ئامانجی بەهێزکردنی
ئاسایشی وزە و پاڵپشتیکردنی وێستگەکانی بەرهەمهێنانی کارەبا.
