رووداو-تەندروستی
توێژینەوەیەک لە ئەمریکا ئاشکرای دەکات کە خواردنەوەی قاوە و ئەو خواردنەوانەی دەوڵەمەندن بە مادەی "پۆلیفینۆڵ" رەنگە مەترسیی مردن و دووبارە سەرهەڵدانەوەی شێرپەنجەی مەمک کەم بکەنەوە.
توێژەرانی زانکۆی هارڤارد لە ئەمریکا بۆ ماوەی 11 ساڵ چاودێری نزیکەی 100 خانمی تووشبوو بە شێرپەنجەی مەمکیان کرد و دەرکەوتووە ئەو خانمانەی کە بڕێکی زیاتر لە مادەی پۆلیفینۆڵیان لە رێگەی خۆراکەوە وەرگرتووە، کەمتر رووبەڕووی مەترسیی مردن بەهۆی شێرپەنجەکەوە بوونەتەوە.
زانکۆ ئەمریکییەکە ئاماژە بەوەدەکات پۆلیفینۆڵ ئاوێتەی رووەکیی سرووشتین و تایبەتمەندیی دژەئۆکسانیان هەیە و لە چەندین خۆراکی وەک قاوە، توو، کاکاو، سەوزە، زەیتی زەیتوون، گوێز و چەرەزات و پاقلەمەنییەکان هەیە.
د. داڤاسامبوو گانما پسپۆڕی خۆراک لە زانکۆی هارڤارد گوتی " پۆلیفینۆڵەکان رێگری لە گەشەی خانە شێرپەنجەییەکان دەکەن، پشتگیریی بەکتریاکانی ریخۆڵە دەکەن بەمەش دەتوانێت گەشەی شانەکانی مەمک کەم بکەنەوە و کە بەهۆی هۆرمۆنی ئیسترۆجینەوە روودەدات."
