رووداو دیجیتاڵ
بەهای دینار بەردەوامە لە دابەزین و ئەمڕۆ 100 دۆلار گەیشتە 156 هەزار دینار.
ئەحمەد حاجی سابیر، ئاڵوگۆڕکاری دراو لە شاری هەولێر بە تۆڕی میدیایی رووداوی گوت: "دروستبوونی کێشە بۆ حەواڵەکردن بووەتە هۆکاری ئەوەی بەهای دینار دابەزێت."
ئەو کاسبکارەی ئاڵوگۆڕی دراو لە هەولێر دەڵێت: "بانکی ناوەندی پارەی حەواڵەی بۆ دوبەی راگرتووە و هۆکارەکەشی نازانرێت، ئەوەش هۆکاری ئەوەیە بازرگانان لە بازاڕدا دۆلار بکڕن و خواستی لەسەر زۆر بێت."
لە سلێمانی 100 دۆلار بە 155 هەزار و 800 دینار مامەڵەی پێوە دەکرێت.
دوێنێ 100 دۆلار بە 155 هەزار و 250 دینار بوو، لە کاتێکدا سەرەتای ئەم مانگە 100 دۆلار بە 153 هەزار دینار مامەڵەی پێوە دەکرا.
.jpg&w=3840&q=75)