رووداو دیجیتاڵ
نرخی زێڕ لە بازاڕەکانی جیهاندا بەرزبووەوە و لە هەرێمی کوردستانیش گەیشتە بەرزترین ئاست.
عەبدوڵڵا ئەکرەم، جێگری سەرۆکی سەندیکای زێڕنگرانی هەولێر، ئەمڕۆ دووشەممە بە تۆڕی میدیایی رووداوی گوت: "نرخی یەک مسقاڵ زێڕی عەیار 21 گەیشتووەتە 645 هەزار دینار".
هەفتەی رابردوو بەرزترین نرخی زێڕ لە هەرێمی کوردستان تۆمار کرا، کە نرخی یەک مسقاڵ عەیار 21 بە 635 هەزار دینار بوو.
ئەمڕۆ لە بازاڕەکانی جیهاندا، نرخی یەک ئۆنسە زێڕ گەیشتە 3 هەزار و 120 دۆلار، کە ئەوەش بەرزترین نرخە تۆماری کردبێت.
