بەشێکی کوردانی ئەمریکا خۆیان یەکلاکردووەتەوە کە دەنگ بە دۆناڵد ترەمپی بەربژێری کۆمارییەکان دەدەن. بەشێکیشیان دەڵێن دەنگ بە کامالا هاریسی بەربژێری دیموکراتەکان دەدەن. واتە کوردانی ئەمریکا خاوەن بڕیارێکی هاوبەش نین. بەشێکیان پارتی دیموکرات و بەشێکیشیان پارتی کۆمارییەکانیان پێ باشترە.
لە نیویۆرکی ئەمریکا هەشتەمین فێستیڤاڵی فیلم و کولتووری کوردی بە سروودی 'ئەی رەقیب' دەستیپێکرد و هەشت رۆژ بەردەوام دەبێت.
فەرحان حەق، جێگری گوتەبێژی سکرتێری گشتیی نەتەوە یەکگرتووەکان بە تۆڕی میدیایی رووداوی رگەیاند کە نەتەوەیەکگرتووەکان لەو سەرژمێرییەی بڕیارە لە 20-11-2024 لەعێراق بکرێت هیچ رۆڵێکی سیاسی نییە، "ئێستا رۆڵی ئێمە لە سەرژمێریدا تەنیا رۆڵێکی تەکنیکییە".
وەزیری دەرەوەی رووسیا رایگەیاند سەبارەت بەو دانوستاندنانەی هەبوون بۆ ئاگربەست لەنێوان ئیسرائیل و رێکخراوی حەماس، ئەمریکییەکان "رێگری لە پڕۆژە بڕیارەکان دەکەن. ئەو پڕۆژە بڕیارەش کە خۆیان پێشنیازیان کرد، چەواشەکارانە بوو ، چونکە گوتیان ئیسرائیلییەکان جێبەجێی دەکەن، بەڵام ئەوە درۆ دەرچوو".
دیمیتری پۆلیانسکی رۆژی 22ی ئابی 2024، لە بارەگای نەتەوە یەکگرتووەکان لە نیویۆرک قسەی بۆ رووداو کرد و گوتی ئۆتۆنۆمی بۆ رۆژئاوای کوردستان "پێویستە لەنێوخۆی سووریادا بڕیاری لەسەر بدرێت". سەبارەت بە پەیوەندیی رووسیا لەگەڵ نەتەوەی کورد بەگشتی دەڵێت: " ئێمە پەیوەندییەکی مێژوویی و دێرینمان لەگەڵ کورد لە سووریا و عێراق هەیە؛ بەردەوامیشین لە پاراستنی پەیوەندییەکی باش لەگەڵیان".
فەرحان حەق، جێگری گوتەبێژی سکرتێری گشتیی رێکخراوی نەتەوە یەکگرتووەکان بە رووداوی راگەیاند، هیچ کەس و لایەنێک داوای هاوکاری لێنەکردوون بۆ دۆزینەوەی تەرمی کۆچبەرانی بەلەمە تێکشکاوەکەی ئیتاڵیا.
بەهۆی دیاریکردنی 25ـی ئایار بە رۆژی جیهانیی تۆپی پێ، ئەندامانی ئەنجوومەنی گشتیی نەتەوە یەکگرتووەکان بە جلوبەرگی نیشتمانییانەوە کۆبوونەوە و دواتریش یارییان کرد.
سەرۆکی ئەنجوومەنی ئاسایشی نێودەوڵەتی لە هەڤپەیڤینێکیدا لەگەڵ رووداو دەڵێت، زانیارییەکانی لەبارەی پرسی کوردەوە تەواو نین، هەروەها بەڵێن دەدات لە پاش هەڤپەیڤینەکە زیاتر لەبارەی کوردەوە شارەزا ببێت.
لویز شاربۆنۆ، کە وەک هاوئاهەنگیکاری رێکخراوی چاودێری مافی مرۆڤ لە نەتەوە یەکگرتووەکان کار دەکات دەڵێت، "هێزە تورکییەکان و سوپای نیشتمانیی سووریا، کورد لەو ناوچانە [عەفرین] دووردەخەنەوە و بە عەرەبی ناوچەکانی دیکەی سووریا جێگەیان پڕ دەکەنەوە".
جێگری گوتەبێژی سکرتێری گشتیی نەتەوە یەکگرتووەکان رایگەیاند، پێویستە هەموو نەتەوە و پێکهاتە جیاوازەکان لە پرۆسەی سیاسیدا بەشدار بن و دەبێت بارودۆخێک دروستبکرێت کە کەمینەکان هەست بکەن بەشێکن لە عێراق.
ئەنجوومەنی ئاسایشی نێودەوڵەتی لەسەر داوای بەپەلەی رووسیا لەبارەی ئاشتی و ئاسایشی نێودەوڵەتی کۆبووەوە. لەدوای ئەوەی ئەمریکا وەڵامی گرووپە چەکدارەکانی نزیک لە ئێرانی دایەوە، رووسیا رایگەیاند ئەمریکا دەبێتە هۆی بڵاوبوونەوەی شەڕ لە رۆژهەڵاتی نێوەڕاست.
دەست بە ئامادەکارییەکانی جەژنی کریسمس لە شاری نیویۆرک کراوە. لەم چوارچێوەیەدا، جارێکی دیکە درەختی بەناوبانگی کریسمس لە سەنتەری رۆکفێلەر بە گڵۆپ رازێندرایەوە.
