کوردستانیش ھەمان رێکاری چینی گرتەبەر بەو جیاوازییەی کە کاتێک خەڵکەکە کەرەنتین دەکرێت، دەبێ لەپاڵیشیدا زۆر رێکاری دیکە بگیردرێتە بەر و ئەوەش بزاندرێت کە دەرھاویشتە جیھانییەکانی ئەو قەیرانەی ئێستا بە مانگێک و دوو مانگی دیکە تەواو نابن
لێرەدا ناوەڕۆکی پەیامەکەی یەکێتی روونە کە ئەگەر پارتی بەو شێوەیە مامەڵەیان لەگەڵ بکات، ئەوا دەربەستی ھیچ ھەنگاوێک نابن. لەو رووەوە پێویست دەکات کە پارتی لە بەرزترین ئاستەوە رێگە نەدات یەکێتی لە شەراکەتەوە پێ بنێتە قۆناغی ئینفیرادەوە
ئێران و چین دوو براوەی ھیستریای کۆرۆنان لە جیھاندا؛ ھەردووکیان کار لەسەر ئامانجێکی ھاوبەش دەکەن. چین باڵادەستیی خۆی لە دروستکردن، بڵاوکردنەوە و خۆدزینەوە لە تۆمەتی بڵاوکردنەوەی ڤایرۆسەکە نیشاندا. پشکی کۆمپانیاکانی ئەوروپای لە بۆرسەی چین بە نرخێکی زۆر ھەرزان کڕییەوە و بە پێی مەزەندەکان 200 ملیاریان قازانج کرد. بۆ ئێرانیش شەڕێکی دوو لایەنە بوو، شەڕێکی بیۆتیرۆریزم (زۆر بەھێزتر لە شەڕی مەیدانیی قاسم سولەیمانی و داعش) لەگەڵ ئەمریکا و ئەوروپییەکان و سەرڕاستکردنی شەڕی داھاتووی رژێمی کۆماری ئیسلامی لەناوخۆی خۆی کە بە بڵاوکردنەوەی ئەم ڤایرۆسە، بتوانێ تەسفییە حیساباتی ناوخۆییی خۆی بۆ دوای نەمانی خامنەیی لە قازانجی موجتەبای کوڕی یەکلابکاتەوە.
سەرۆککۆمار قەت مەبەستی نەبوو مالیکی لا بدرێت، دەیویست لە رێگەی بارزانییەوە کەمێک مالیکی عەیار بدات و، ھەیبەت و شکۆی جاران بۆ پۆستەکەی بگەڕێنێتەوە، بەڵام ئیتر کار لەکار ترازا. ئەبویوسرا وا بە ئاسانی عەیار نەدرا! مالیکی سەرەڕۆتر، کورد سەرکز و تاڵەبانیش بێدەسەڵاتتر بوو.
پوختەی کەلام، ئەو حەمە تۆفیق عەللاوییەش ناوی دەچێتە ناو مێژووەوە، بەوەی کە لە دوای 2003 وە ئەوە یەکەم کەسە کە راسپێردرێت بۆ پێکھێنانی حکومەت، بەڵام نەتوانی حکومەت پێکبێنێت.
بەرهەم ساڵح دەزانێ ئیتر بەغدا دوا مەنزڵ و پەناگەی سیاسییەتی، بۆیە بەو جۆرە قەرەبووی پێگەی لەدەستچووی خۆی دەكاتەوە و تەنانەت هەوڵ دەدات خۆی وەكو نوێنەری كوردستان وێنا بكات. تا ئێستا پارتی بە ئەعسابێكی ساردەوە مامەڵە دەكات و خۆی لە كاردانەوەی توند پاراستووە، بەڵام ئەوەی ئەمجارە وەك بابەتی سەرۆككۆمار وا بە ئاسانی بەسەر كەسدا تێپەڕ نابێت و باجەكەی زۆر قورسە.
ئەزموونی سیاسیی هاوسەرۆكەكانی یەكێتی دەریخستووە كە تەنانەت ئەگەر پارتیش پشتی نەگرێت، سڕینەوەی كۆسرەت رەسوڵ لە هاوكێشە سیاسییەكان و ململانێی هێز لەناوخۆی یەكێتی و كوردستان هێندە كارێكی ئاسان نییە و دوایین بەربەستی بە بنەماڵەییكردنی موتڵەقی یەكێتییە. هەر بۆیەشە رەنگبێ نەسیحەتكاران ئەوەیان بەگوێدا چرپاندبن كە تا ئەو كاتەی بارەكەیان لە پردەكە دەپەڕێننەوە، بە كۆسرەت رەسوڵ بڵێن (مامە)!
سیستەمی هاوسەرۆكی هەر چۆنێك بێت و چەند كەس بێت گرنگ نییە، تەنانەت دەسەڵاتەكانی ئەنجوومەنی باڵاش (كە هەموو هەوڵێك بۆ ئەوەیە تەشریفاتی بن) ناتوانن رێگر بن لەوەی كە ئیتر یەكێتی موڵكی بنەماڵەی تاڵەبانییە.
باڵەكانی یەكێتی بۆ سەرۆكایەتیی ئەنجوومەنی سەركردایەتیی حزبەكەیان لە دكتۆر بەرهەم ساڵح باشتریان دەستناكەوێ؛ لەگەڵ هەموویانە و لەگەڵ هیچیشیان نییە تا سەر. پارتیش تا راددەیەك موبارەكەی كردووە و رەنگبێ پۆستەكەشی لە بەغدا، فاكتەرێكی گرنگ بێت هەم بۆ پارتی و هەم بۆ ناوخۆی یەكێتیش. بۆیە هەرچەندە بەدڵی پارتیش نەبێ، دژی نین.
