به‌غدا و ئه‌نقه‌ره و تاران كه پێده‌چوو پێكه‌وه ده‌ستيان له بينمان گيركردبێ، دواى ئه‌و مانۆڕانه به ئه‌ندازه‌يه‌ك گۆڕان له به‌غدا كارى جددى بۆ كۆتاییهێنان به قه‌يران و چاره‌ى بنه‌ڕه‌تى كێشه‌كان، له ئه‌نقه‌ره گێڕانه‌وه‌ى ئيعتبار بۆ هه‌ولێر وه‌ك پايته‌ختى عێراقێکی ديكه، له تارانيش داڕشتنه‌وه‌ى تانوپۆى قۆناخێكى نوێ و (له مووشه‌ك و درۆنه‌وه بۆ هاوكارى و هاوبه‌شى و هاوسێيه‌تى) هاتنه‌ئاراوه.
لە راستیدا هەر چاودێرێكی سیاسی و بەر لە هەمووانیش یەك بە یەكی حیزبەكانی كوردستان شاهیدی ئەوەن و، هەمووشیان بەر لەوەی بەم دواییە تای بانگەشەی هەڵبژاردن هەندێكیان بگرێت، ئەو گەواهییەیان داوە كە هیچ كەس لەم كوردستانە هێندەی سەرۆكی هەرێمی کوردستان پەرۆشی ئەوە نەبوو هەڵبژاردن لە وادەی خۆیدا بكرێ و سەركەوتووانە بەڕێوەبچێت
دوو لەو دەستكەوتانەی لەم سەردانەدا بەدیهاتن و دوو لەو كێشانەی چارەی بنەڕەتییان بۆ دۆزرایەوە، دەكرێت وەكو نموونە دەستنیشان بكەین بۆ ئەو لێكگەیشتن و پەرۆشییە هاوبەشەی كە لە بەغدا وا دێتەئاراوە و لەم سەردانەدا بەروونی بینران، ئەوانیش: پرسی مووچە و پرسی هەڵبژاردنی هەرێمی کوردستانن
سەرۆك نێچیرڤان بارزانی لە چەند رۆژی رابردوو و لە دیداری سلێمانیدا، ویستی جارێكی دیكە ئەو پەیامە هەمیشەییەی خۆی بە گوێی نوخبەی سیاسیی كوردستاندا بدات، پەیامێك كە قسەی ناخی دڵی كوردستانییانە، سیاسەتیش گەر بۆ مەبەستی خێر و خۆشی و بەرژەوەندیی گشتی بێ، دەبێ لە ناخی دڵ و خواستی خەڵكەوە هەڵقوڵێ، دەبێ ترپەی دڵی لەگەڵ ترپەی دڵی نیشتمان بێت، ئەگەر نا ئەو سیاسەتە بەسەردەچێ و بەجێ دەمینێ، دەڕوات بێ ئەوەی نیشتمان بەدوایدا بچێ... ئەو دەڕوات و نیشتمان دەمێنێ...
هەمیشە یەك لە ئامانجەكانی هەر سەردانێكی سەرۆكی هەرێمی کوردستان بۆ بەغدا رەواندنەوەی ئەو هەستە تاڵ و نادروستەیە كە كورد گوایە تەنیا بە دوای بودجە و بەركەوت و بەرژەوەندیی خۆیەوەیەتی و هیچ باكی بە عێراق و گرفتارییەكانی عێراق نییە. لەو پێودانگەوە سەردانی ئەمجارەش هاوكات هەم بۆ سۆراخی كاروباری هەرێمە و هەم بۆ خۆ بەساحێب كردن لە كاروباری عێراقیش.
بۆكردنەوەی یەكجاریی گرێكوێرەكە و دابینكردنی ناردنی پارە بۆ مووچە و گەرەنتیی هەمواركردنەوەی یاسای بودجە و ناردنی شایستەكانی هەرێمی کوردستان لە ئایندەیەكی نزیك دا بەشێوەیەكی ئاسایی، پێویست بوو پەیام و لۆژیكێكی قەناعەتهێنەر بچێتە بەغدا، پەیامێك و خاوەن پەیامێك كە نەك هەر كاربەدەستان، بەڵكو هەموو سەركردە سیاسییەكانی بەغدا قەناعەت پێبهێنێ كە چارەی ئەم گرفتە داراییە، چەندە لە قازانجی هەرێمی کوردستانە، ئەوەندەش لە بەرژەوەندیی عێراق و ئایندەی پێكەوەژیانی نەتەوەكانی و پتەوبوونی یەك ئیرادەیی و خۆڕاگرییەتی بەرامبەر مەترسی و ئاڵنگارییەكان كە چواردەوری عێراق و ناوچەكەیان تەنیوە.
لە گەرمەی ئەو هەموو قەیران و شەڕپێفرۆشتن و هەڕەشە جددیيەی بۆ لەناوبردنی قەوارەی كوردستان و خۆبەدەستەوەدانی گەلەكەی لە ئارادایە، بڵاوبوونەوەی زنجیرە ڤیدیۆیەك لەم رۆژانەدا بە ناونیشان و ناوەڕۆكی (گەر پێشتر وەك ئەم چوار ساڵە كار بكرایە، هەموو سێكتەرەكانی ژیان لە كوردستاندا پێشكەوتووتر دەبوون)، جێی سەرنج و لەسەروەستان بوو، نەك تەنیا لەبەرئەوەی دۆخی كوردستان و هۆش و فیكر و خەمی خەڵكەكەی لە دۆڵێك و ناوەڕۆكی ئەم زنجیرە ڤیدیۆیە لە دۆڵێكی دیكەن، بەڵكو زیاتر لەبەر ئەوەی: بەڕاستی رووقایمی و جەسارەتێكی بێ وێنەی دەوێت رەنج و خەباتی چارەكە سەدەیەكی میللەتێك بۆ ئاوەدانكردنەوەی وڵاتە وێرانەكەی، هەروا سووك و ئاسان و بە نووكە قەڵەمێك، كەموكورت و نادیدە بگیرێت!!.
پێشوازیی ئێلیزێ لەم ساتەوەختەدا لە سەرۆكی هەرێمی کوردستان و راوێژپێكردنی لەم پرسە هەستیارەدا، ئاماژەی متمانه و باوەڕی سەرۆك ماكرۆنە بەكارەكتەر و روانگه و دوونیابینیی سەرۆك نێچیرڤان و لە هەمان كاتیشدا پەیامێكە پێمان دەڵێت: پێگە و ئیعتباری هەرێمی كوردستان هێشتا لە بازنەی بایەخدایە.
دەبێ شوباتی دادێ بكەینە شوباتی پتەوكردنەوەی باوەڕە نەگۆڕەكان، دەمەزەردكردنەوەی بنەما دیموكراتییەكان، گێڕانەوەی هێز و شەرعیەت و متمانە بەدامەزراوەكان و جۆشدانەوه‌ی ژیانی سیاسی و بەرزڕاگرتنەوەی بەرژەوەندییە باڵاكانی گەل
بەم دواییە سەرۆکی هەرێمی کوردستان نەرم نەرم و بێ هەڵا و زەنا و دەنگ لێوەهێنان لەسەر ئاستی كوردستان و هەروەها لەسەر ئاستی بەغداش لەسەر ئاگرێكی شێنەیی خەریكی كوڵاندنی یەکخستنێک بوو تاوەکو لانی كەم چارەیەكی بەپەلە بۆ بێ مووچەیی بدۆزرێتەوە، ئاهێك بە دەروونی خەڵك دا بێتەوە و ئەوجا دواتر بیرێكی ژیرانە و جددیتر لە چارەیەكی هەمیشەیی بكرێتەوە.
