ئەو رۆژەی کۆلێژی تەواوکردبوو زۆر دڵی خۆش بوو، دایک و باوک و براکانی هەموویان لە دەوری کۆبووبوونەوە و پیرۆزباییان لێدەکرد. لە سەرووی هەموویانەوە، باوکی بە خەڵاتێک کوڕەکەی سەرسام کرد، خەڵاتەکە ئۆتۆمبێلێکی مۆدێل نوێ و گرانبەها بوو، بەڵام کەسیان نەیاندەزانی ئەو ئۆتۆمبێلە دەبێتە هۆی تێکدانی ژیانی کوڕەکەیان.
چیرۆکی ئەو بەناو "شێخە" داوای جلەکانی ژێرەوەی لە ئافرەتەکان دەکرد، دواتر دەیگوت دەبێت لەسەر جەستەت نزاکە بنووسم، بۆیە لەسەر سمت یان پشتی بەشێک لە ئافرەتەکان نزای دەنووسی و بەو بیانووەوە رووتی دەکردنەوە و ڤیدیۆی تۆمار دەکردن.
تۆمەتبارەکە دەوڵەمەند بوو، دوای چەند رۆژێک مانەوە لە زیندان بە دەستەبەری (کەفالەت) ئازادکرا. لایەنی سکاڵاکار کە زانییان تۆمەتبارەکە ئازادکراوە، بڕیاریان دا خۆیان تۆڵە بکەنەوە، چەک و فیشەکیان کڕی و خۆیان بەست. هێرشیان کردە سەر ماڵەکە و لە ئەنجامدا چوار کەس کوژران و دووی دیکەیش برینداربوون.
"کچەکە پێی گوتم، وەرە بەیتوونەکەمان و لەوێ قسە دەکەین و پلانی چوونە ئەوروپا دادەڕێژین"، ئەمە گوتەی کوڕێک بوو کە دوو مانگ پێشتر دانی بەوەدا نابوو بۆ دزینی کۆتر چووەتە سەربانی ماڵێک، بەڵام ئێستا قسەکانی گۆڕیوە و دەڵێت، بڕیاربووە کچی ماڵەکە ببینێ.
"کاتێك چوومە ژووری بەڕێوەبەرەکە، بینیم هاوژینەکەم لەسەر مێزەکەی دانیشتووە و سینگی واڵا کردووە، ئەو جلانەیشی لەبەری بووە، بە شەوانیش بۆ من لەبەری نەدەکرد... هەتا توانیم بۆکسێکم لە ناوچاوی دا، دوای ئەوە نازانم چیم کرد، ئاگام لە خۆم نەما"، ئەمە گوتەی پیاوێک بوو لە دادگە و هاوژینەکەیشی بە چاوێكی شین و دەستێکی شکاوەوە لە بەرامبەری وەستا بوو.
کەسێکی بەتەمەنی رەقەڵەیان هێنایە ژوورەوە، گوتیان، "جەنابی دادوەر ئەمە دزی کردووە"، سەیری رووخساریم کرد، لە کەسێک نەدەچوو لەسەر دزیکردن دەستگیرکرابێت، پرسیم، "بۆچی دزیت کردووە؟" گوتی، "بێکارم، لە برسان دزیم کردووە... تکایە بمنێرە زیندان."
