رووداو دیجیتاڵ
لامین یامال، بەو پێیەی گرنگترین یان یەکێکە لە گرنگترین ئەستێرەکانی بارسێلۆنا، مافی ئەوەی هەیە بەشداری لە بڕیارەکانی یانەکەدا بکات، یان لانیکەم پێشنیاز بخاتە بەردەم راهێنەر و کارگێڕیی یانەکە.
بارسێلۆنا هەفتەیەکی سەخت بەڕێدەکات دوای زنجیرەیەک یاری کە تێیدا تیپەکە بەو ئاستە دەرنەکەوت کە چاوەڕوان دەکرا، ئەمەش وایکردووە یاریزانی لاو لامین یامال نیگەرانیی خۆی نیشان بدات سەبارەت بە هەندێک لە یاریزانانی پێکهاتەی سەرەکی، کە لە ساتە یەکلاکەرەوەکاندا ئەو ئاستەیان پێشکەش نەکردووە کە لێیان چاوەڕوان دەکرێت.
یامال پێیوایە تیپەکە هەندێکجار پێویستی بە هێرشبەرێک هەیە کە لە فینیشینگدا ئەو کوالێتییەی هەبێت کە پێویستە بۆ دروستکردنی جیاوازی لە یارییە گەورەکاندا.
فێران تۆرێس و فێرمین لۆپێز لەژێر وردبیندا
بەبۆچوونی لامین یامال هەریەک لە فێران تۆرێس و فێرمین لۆپێز، سەرەڕای هەوڵدان و ئاستە باشەکەیان لە هەندێک یارییدا، بەڵام ئەو کاریگەرییەیان نییە کە لە یارییە چارەنووسسازەکاندا پێویستە، ئەمەش پرسیار لەسەر ئامادەیی ئەوان دروست دەکات بۆ رووبەڕووبوونەوەی تیپە بژاردەکان و پاراستنی کۆنترۆڵی تۆپ لە ناوچە هەستیارەکاندا.
پێویستی بە یاریزانی یەکلاکەرەوە
بەبۆچوونی لامین یامال، کەمیی کارایی هێرشبەری بارسێلۆنا لە یارییەکانی دواییدا، وەک دۆڕانەکەی بەرامبەر جیرۆنا، پێویستیی بوونی یاریزانی زیاتری دەرخستووە کە توانای یەکلاکردنەوەیان لەبەردەم گۆڵدا هەبێت. تیپەکە پێویستی بەو یاریزانانەیە کە بتوانن کۆنترۆڵکردنی یارییەکە و خاوەندارێتی تۆپ بگۆڕن بۆ گۆڵی راستەقینە لە ساتە چارەنووسسازەکاندا.
لەکاتێکدا فێرمین لۆپێز و فێران تۆرێس بەردەوامن لە هەوڵدان، بەڵام ئاستیان لە هەندێک لە یارییە گەورەکاندا وەک پێویست نییە. لامین یامال جەخت لەوە دەکاتەوە کە پێکهاتەی سەرەکی پێویستی بەو یاریزانانەیە کە توانای دروستکردنی جیاوازییان هەبێت، بەتایبەتی لە شەوە چارەنووسسازەکانی خولی پاڵەوانەکانی ئەورووپا، بۆ ئەوەی دڵنیایی بدرێت لە توانای بارسێلۆنا بۆ رکابەریکردن لە بەرزترین ئاستدا.
