رووداو دیجیتاڵ
بۆ گەلی پۆرتوگال، ئەو رۆژە هات
کە درێسی ژمارە 7ی هەڵبژاردەکەمان رادەست بکەمەوە
هەرگیز هەستم نەکردووە تەنیا هی من بێت
بەڵام بۆ ماوەی 23 ساڵ، شانازبووم
و بەرپرسیارێتی پۆشینی ئەوم لە ئەستۆ گرت
بەرگریکردن لە درێسەکە،
و هەڵگرتنی لەگەڵ خۆمدا بۆ ناو یاریگاکان
لە سەرتاسەری جیهاندا
ئەمڕۆ، کاتی ئەوە هاتووە
کە رادەستی داهاتووی بکەم
بڕیارێکی ئاسان نەبوو
چونکە هەندێک بڕیار هەن
تەنیا بە مێشک نادرێن
بەڵکو بە دڵیش دەدرێن
گەشتێک کە لە ئابی 2003 دەستیپێکرد،
و ژیانی منی بۆ هەمیشە گۆڕی،
گەیشتە کۆتایی
کاتێک ئاوڕ لە هەموو شتێک دەدەمەوە
کە لەگەڵ هەڵبژاردەکە ئەزموونم کردووە،
تەنیا یارییەکان نابینم،
گۆڵەکان، ژمارە پێوانەییەکان، یان نازناوەکان
من دەبینم
مرۆڤەکان
ئەو پۆرتوگالییانە دەبینم کە لە دەرەوەن
کە بۆ ماوەی نەوەد خولەک،
هەستیان بە نزیکبوونەوە لە نیشتمان دەکرد
ملیۆنان پۆرتوگالی دەبینم
کە هەرگیز نەمبینیون،
بەڵام بوونە بەشێک لە ژیانی من
چونکە، لە کۆتاییدا،
تۆپی پێ زۆر لە یارییەک گەورەترە
تۆپی پێ پەیوەندی بە خەڵکەوە هەیە
لە سەرتاسەری کاروانی وەرزشیمدا
لەگەڵ هەڵبژاردەی نیشتمانی،
هەمیشە سنوورەکانی خۆمم تێپەڕاندووە
دەمویست ببەمەوە
دەمویست باشتر بم
دەمویست مێژوو دروست بکەم
هەمیشە زۆرترین داواکاریم لە خۆم هەبوو
هەمیشە زیاترم دەویست
هەمیشە بڕوام وابوو
کە دەتوانین زیاتر بڕۆین
و هەموو توانایەکم بەم درێسە بەخشی
ئێوارە و شەوی نایاب هەبوون
سەرکەوتنی وا هەبوون هەرگیز لەبیریان ناکەم
شکستی واش هەبوون
کە هێشتا بیرهێنانەوەیان ئازاربەخشە
هەڵەم کرد
ئازارم چەشت
هەروەها ساتگەلێک هەبوون
کە نەمدەتوانی ئەوە بە گەلی پۆرتوگال ببەخشم
کە زۆر بە پەرۆشەوە دەیانویست
بەڵام هەرگیز کۆڵم نەدا
و لە سەرووی هەمووشیانەوە،
هەرگیز لە شانازیکردن بەنوێنەرایەتیکردنی
پۆرتوگالەوە نەوەستام
بە درێژایی ساڵەکان،
فێری چەند شتێکی زۆر سادە بووم:
گۆڵەکان کاڵ دەبنەوە
جامەکان لە مۆزەخانەکاندا دەمێننەوە
ژمارە پێوانەییەکان لە کۆتاییدا دەشکێنرێن
بەڵام شتێک هەیە
کە کات هەرگیز ناتوانێت بیسڕێتەوە:
ئەو شوێنەی کە هەمانە
لە دڵی خەڵکدا
ئەگەر رۆژێک دڵخۆشم کردبن،
ئەگەر یەکێک لە گۆڵەکانم
وایکردبێت کەسێک لەئامێز بگرن،
خەمێک لەبیر بکەن،
یان شانازی بە وڵاتەکەمانەوە بکەن،
ئەوا هەمووی شایەنی بووە
چونکە پۆرتوگالی بوون
هەروەها بریتییە لەمە
پێکەوە ئازار دەچێژین
پێکەوە هەڵدەستینەوە
سەرلەنوێ بڕوا دەکەینەوە
پۆرتوگال هەمیشە پێویستی بەو گەنجانە دەبێت
کە بوێریی خەونبینینیان هەبێت
ئەو یاریزانانەی هەرگیز کۆڵ نادەن
نەوەی نوێ کە بڕوایان وایە دەکرێت
بگەنە شوێنێک کەس پێی نەگەیشتووە
چونکە وڵاتێک بەردەوام پاڵەوانی نوێ دروست بکات
وڵاتێکە هەرگیز لە بڕوابوون بەخودی خۆی ناوەستێت
بۆ هاوڕێکانم لە تیپەکەدا،
دەمەوێت شتێکی تایبەت بڵێم
سوپاس بۆ هەموو راکردنێک
بۆ هەموو لەئامێزگرتنێک
بۆ هەموو مشتومڕێک
بۆ هەموو بێدەنگییەک پێش چوونە ناو یاریگا
بۆ هەموو سەرکەوتنێک
کە پێکەوە ئاهەنگمان بۆ گێڕا
و هەموو شکستێک
کە ئێمەی بەهێزتر کرد
شانازیی ئەوەم هەبوو کاپتنی ئێوە بم،
بەڵام هیچ کاپتنێک بە تەنیا ناڕوات
ئێوە هەمیشە بەشێک دەبن لە چیرۆکەکەم
بۆ هەموو راهێنەران،
بەڕێوەبەران، پزیشکان، چارەسەرکارانی سرووشتی،
بەرپرسانی جلوبەرگ، ئەندامانی ستاف،
و زۆر کەسی دیکە
کە لەم ساڵانەدا لەگەڵم کاریان کردووە،
سوپاستان دەکەم
زۆربەتان هەرگیز لە وێنەکاندا دەرنەکەوتن
بەڵام بەبێ ئێوە،
مەحاڵ بوو، هیچ کام لەو وێنانە
بوونیان هەبێت
بۆ خێزانەکەم...
سوپاس بۆ هاوبەشیکردنی ئەم خەونە لەگەڵمدا
سوپاس بۆ تێگەیشتن لە دوورکەوتنەوەکان،
قوربانیدانەکان و ئەو ساتانەی
کە هەڵبژاردەی نیشتمانی
ناچار بوو بۆشاییەک لە ژیانمدا بگرێت
کە هی ئێوەش بوو
ئەگەر گەیشتبێتمە ئێرە،
لەبەرئەوە بووە هەمیشە دەست لەناو دەست بووین
بۆ خەڵکی پۆرتوگال...
بۆ هەموو تاکێکی پۆرتوگالی،
لە هەر کوێیەکی ئەم جیهانەدا بن،
دوایین شت هەیە دەمەوێت پێتان بڵێم
وێنەیەک هەیە بۆ هەمیشە لەگەڵ خۆمدا هەڵیدەگرم
ئەو ساتەی کە سروودی نیشتمانیمان دەست پێدەکات
سەیری دەوروبەرم دەکەم
هاوڕێکانم دەبینم
پەیژەکانی یاریگا دەبینم
منداڵان، دایکان، باوکان دەبینم،
و داپیرە و باپیرەکان
خەڵکی پۆرتوگال دەبینم
کە لە دوورەوە هاتوون تەنیا بۆ ئەوەی لەوێ بن
و بۆ ئەو چەند خولەکە،
هەموو جیاوازییەکانمان لەبیر دەچێتەوە
هیچ یانەیەک نییە
هیچ رەنگێک نییە
هیچ چینێک نییە
هیچ پیشەیەک نییە
هیچ بیروڕایەکی جیاواز نییە
تەنیا یەک خولیا هەیە:
پۆرتوگال
ئەوە ئەو هەستەیە
کە تا کۆتایی ژیانم لەگەڵ خۆمدا هەڵیدەگرم
ئەمڕۆ، گەشتەکەم لەناو یاریگادا
لەگەڵ هەڵبژاردەی نیشتمانی کۆتایی دێت
بە سەربەرزییەوە دەڕۆم
شانازی بەو رێگایەوە دەکەم کە گرتوومەتەبەر،
و بەو تێگەیشتنەی کە
هەموو توانایەکم بە پۆرتوگال بەخشی
بەڵام هەرگیز لەوە ناکەوم یەکێک بم لە ئێوە
بەردەوام دەبم لە ئازارچەشتن،
هاوارکردن و هاندان،
هەروەها ئاهەنگگێڕان بۆ هەر سەرکەوتنێکی پۆرتوگال
پشتگیریتان دەکەم
ژیانم بە کارکردنەوە بەسەربرد
تاوەکو ببمە باشترین یاریزانی جیهان
ئەمڕۆ، تێدەگەم گەورەترین سەرکەوتنم
بەدەستهێنانی شانازیی نوێنەرایەتیکردنی
باشترین وڵاتی جیهان بوو
سوپاس بۆ ئەم 23 ساڵە
سوپاس کە بڕواتان پێم هەبوو.
سوپاس کە رێگاتان پێدام لە خەونێکدا بژیم
کە دەستیپێکرد کاتێک تەنیا منداڵێکی بچووک بووم
لە مادێرا، بەدوای تۆپێکی پێدا رامدەکرد
درێسی ژمارە 7 دەمێنێتەوە
بەڵام شانازییەکەی
پۆشینی ئەو درێسە بۆ هەمیشە هی من دەبێت
پۆرتوگال، هەمیشە بەشێک دەبێت لە من
بۆ هەمیشە
کریستیانۆ رۆناڵدۆ
