رووداو دیجیتاڵ
دەیڤد بێکهام، خاوەنی ئینتەرمەیامی و کاپتنی پێشووی ئینگلتەرا، پێیوایە لیۆنێل مێسی، ئەستێرەی ئەرجەنتین شایەنی ئەوەیە خەڵاتی باڵۆندۆر بۆ ساڵی 2026 بەدەستبهێنێت دوای وەرزە سەرنجڕاکێشەکەی.
لێدوانەکانی بێکهام دوای ئەوە هاتن کە مێسی سەرکردایەتی ئینتەرمەیامی کرد و نازناوی جامی کامپیۆنیزی بەدەستهێنا. ئەو گۆڵی 100ـەمی خۆی بۆ یانە ئەمریکییەکە تۆمارکرد و ئەسیستەکەی بۆ گۆڵی دووەم کرد، کە کاسێمیرۆی بەرازیلی تۆماریکرد، لە کاتی بردنەوەی بەئەنجامی 2-0 لە کروز ئازولی مەکسیکی.
وەک لە هەواڵێکی بی بی سیدا هاتووە، بێکهام گوتی "کاتێک دەیبینیت کاری لەم شێوەیە دەکات، کاتێکیش دەبینیت کە لە مۆندیالدا چی پێشکەش کردووە، هیچ یاریزانێکی دیکەی تەمەن 39 ساڵان نییە کە ئەو کارە بکات یان لەو ئاستەدا ئاستێکی بەرز پێشکەش بکات".
ئاماژەی بەوەشکرد، شایەنی ئەوەیە لیۆ لەنێو بەربژێرانی باڵۆندۆردا بێت و بە بۆچوونی من پێویستە ئەو خەڵاتە بباتەوە.
ئاماری ناوازەی مۆندیال
مێسی ئاستێکی ناوازەی لە مۆندیالدا لەگەڵ ئەرجەنتین پێشکەش کرد و 8 گۆڵی تۆمارکرد و 4 ئەسیستیشی کرد، ئەمەش یارمەتی هەڵبژاردەکەی دا بۆ گەیشتن بە یاریی کۆتایی پێش دۆڕانیان بە ئیسپانیا.
ئەستێرە ئەرجەنتینییەکە ژمارەی ئەسیستەکانی لە مۆندیالدا لە کاروانی وەرزشیدا گەیاندە 12 گۆڵ، لەنێویاندا 10 گۆڵ لە قۆناخەکانی کرانەدەرەوە، ژمارەیەکی پێوانەیی کە لە مێژووی پاڵەوانێتییەکەدا هیچ یاریزانێکی دیکە نەیکردووە؛ باشترین ژمارەی دوای ئەو تەنیا 8 ئەسیستە.
هەروەها مێسی لە ریزبەندیی دووەمی ریزبەندیی گۆڵکارانی مۆندیالدا بە تۆمارکردنی 21 گۆڵ، دوای کیلیان ئێمباپێی فەرەنسی کە خاوەنی 22 گۆڵە، مێسی ریکۆردێکی نوێی لەگەڵ ئینتەرمەیامی تۆمارکرد.
مێسی لە یارییەکەی بەرامبەر کروز ئازول، گەیشتە گۆڵی 100 لەگەڵ یانەی ئینتەرمەیامی، کاتێک لە خولەکی 24 بە لێدانێکی سەر گۆڵی یەکەمی تۆمارکرد، دوای ئەوەی ئەسیستەکە لەلایەن لویس سوارێزی هاوڕێی بۆی کرا.
ئەستێرە ئەرجەنتینییەکە گۆڵی دووەمی خۆی تۆمارکرد، بەڵام ناوبژیوان بەهۆی ئۆفسایدەوە رەتیکردەوە.
سەرەڕای ئەوەش، مێسی جارێکی دیکە رۆڵێکی سەرەکی بینی؛ ئەو لێدانی کوڕنەرەکەی لێدا،کە کاسێمیرۆ لە خولەکی 81 بەسەر گۆڵی تۆمارکرد و یەکەم نازناوی جامی کامپیۆنیس بۆ ئینتەرمەیامی مسۆگەرکرد.
ئەم دەستکەوتە دوای ئەوە دێت کە لە مانگی ئابی ساڵی رابردوودا مێسی وازهێنانی لە تۆپی پێی نێودەوڵەتی راگەیاند.
