رووداو دیجیتاڵ
یانەی بارسێلۆنا پەیامێکی تۆقێنەری بۆ رکابەرەکانی نارد، دوای ئەوەی لە قۆناخی یەکەمی قۆناخی کۆمەڵەکانی چامپیۆنزلیگدا بەئەنجامی 5-1 لە فاینۆردی هۆڵەندی بردەوە.
تیپەکە دوای دەستپێکردنی وەرزی لالیگا بەردەوام بوو لە ئاستە سەرنجڕاکێشەکەی و چوار بردنەوەی لەسەریەکی مسۆگەرکرد و پێشەنگی ریزبەندییەکەی بەدەستهێنا و 17 گۆڵی تۆمارکرد.
تیپەکە هێزێکی هێرشبەری ترسناکیان نیشان دا، زاڵبوون بەسەر هەموو یانەیەکدا کە رووبەڕووی بووەوە چ لەسەر ئاستی ناوخۆ و چ لە لەسەر ئاستی ئەورووپا. بەهێزی ئەوان لە سەرەتای وەرزدا دەتوانرێت بگەڕێنرێتەوە بۆ چەند هۆکارێک کە دیارترینیان بریتین لە:
ئاستی رافینیا
رافینیا ئەستێرەی بەرازیلی چێژ لە سەرەتایەکی مێژوویی وەردەگرێت، لە 5 یاری لەسەریەک گۆڵی تۆمارکردووە، چوار لە لالیگا و گۆڵێکیش لە چامپیۆنزلیگ، کارەساتێک کە لە هیچ یاریزانێکی دیکەی هاوتای نەبووە.
کاپتنی ئێستای یانەکەی ئێستا هەشت گۆڵی تۆمارکردووە و بە تۆمارکردنی شەش گۆڵ لە پێشەنگی ریزبەندیی گۆڵکارانی خولەکەدایە.
هانزی فلیکی راهێنەری ئەڵمانی دوای رۆیشتنی رۆبێرت لیڤاندۆڤسکی و فێران تۆرێس لە سەرەڕم جێگیری کرد و رۆڵە نوێیەکە سەلماندی کە سەرمایەیەکی راستەقینەیە بۆ ئەو و راهێنەر و بارسێلۆنا و تۆپی پێ بەگشتی.
گەڕانەوەی لامین یامال بۆ فۆرم
ئەستێرەی گەنج لامین یامال جارێکی دیکە درەوشایەوە و گەڕانەوەی بۆ فۆرمەکەی پشتڕاستکردەوە دوای دەستپێکردنێکی نائومێدکەر و مۆندیالێکی مامناوەند لەگەڵ ئیسپانیای پاڵەوانی جیهان.
یاریزانە ئیسپانییەکە لێهاتوویی سەرنجڕاکێشی پیشاندا کە لە توانا ئاساییەکانی زیاتر بوو، وەک خێرایی و بڕین و لێدان، کە بەلێهاتوویییەکی زۆریشەوە نمایشی کرد. هەروەها ئارامیی و کاری بەکۆمەڵی جێگەی سەرنج بوو.
کاتێک دەرفەتی لێدانی سزای بۆ رەخسا، تۆپەکەی دایە رافینیا، ئەمەش هەلی گۆڵکردنی دروستکرد. هەروەها لە یارییەکەی بەرامبەر ڤالێنسیا بەخشندەیی زۆری بەرامبەر گۆردۆن نیشان دا.
یەدەگێکی بەهێز
بارسێلۆنا شانازی بە بوونی یەدەگێکی بەهێزەوە دەکات، هانزی فلیکی راهێنەری ئەڵمانی چەندین بژاردەی بردنەوەی هەیە کە دەتوانێت لە پێکهاتەی سەرەکیدا سوودی لێ وەربگرێت یان لە کاتی یارییەکاندا بیهێنێتە ناو یاریگاوە.
لە پێنج یارییەکەدا درەوشاوەیی چەند یاریزانێکی یەدەگ دەرکەوت، دیارترینیان کەریم ئادێمی هێرشبەری ئەڵمانی، گابریێل جیسوسی بەرازیلی و دانی ئۆلمۆ بوون.
بەرگرییەکی باشتر و هێڵی ناوەڕاستێکی بەهێزتر
بارسێلۆنا شانازی بە هێڵی ناوەڕاستێکی بەهێزەوە دەکات کە توانای وەرگرتنەوەی هێڵی بەرگری و شکاندنی هێرشەکانی بەرامبەر لەگەڵ داهێنان لە دروستکردنی هەل و کۆنترۆڵکردنی یارییەکاندا تێکەڵ دەکات، کە دوو ئەستێرەی یانەکەی رۆدری و پێدری سەرکردایەتی دەکەن.
هەروەها لەم وەرزەدا هێڵی بەرگری بارسێلۆنا کەمتر هەڵەی نیشانداوە، خوان گارسیای گۆڵپارێزیش بەردەوامە لە درەوشاوەیی. تیپەکە پێویستی بە بەرگرییەکی بەهێز و گۆڵپارێزێکی باش هەیە بۆ گەیشتن بە خەونی بەدەستهێنانی نازناوی ئەورووپا.
