Hewlêr (Rûdaw) - Kuluba Sporê ya Yuksekovayê (Gever) koma xwe bi yekemîniyê xelas kir û derbasî koma şampiyoniyê bû.
Kuluba Sporê ya Yuksekovayê (Gever) ku di Lîga Yekemîn a Jinan a Tirkiyeyê de dilîze îsal qet têk neçû.
Tîma Geverê ya ku lîderê Koma Byê bû, di maça xwe ya dawî de li nevçeya Geverê ya Colemêrga Bakurê Kurdistanê bi 1207 Antalyasporê re lîst.
Tîma Geverê 1-0 bi ser ket û derbasî koma şampiyoniyê bû.
Qeymeqamê Geverê Mustafa Akin, Serokê AK Partiyê yê Geverê Zeydîn Kaya, Serokê Odeya Pîşesazî û Bazirganiyê ya Geverê Salîh Ozdemîr û gelek kesan li maçê temaşe kir.
Lîstikvanên Geverê piştî maçê serkeftina xwe pîroz kir û bi alîgirên xwe re wêne girtin.
Divê were gotin ku Tîma Jinan a Geverê îsal (sezona 2024-2025an) di 12 maçan de bi ser ketiye û di maçekê de wekîhev maye lê qet zora wê neçûye.
Li hêla din, 1207 Antalyaspor jî di koma Byê de bû duyemîn.
Koma şamiyoniyê dê ji van çar tîman pêk were û ew dê ji bo şampiyoniyê têbikoşin:
- Kuluba Sporê ya Yuksekovayê (Gever)
- 1207 Antalyaspor
- Dudullu
- Giresun Sanayispor
Tîma ku bibe yemek dê êdî di Lîga Super a Jinan a Tirkiyeyê de bilîze.
