Enqere (Rûdaw) - Li Enqereya paytexta Tirkiyeyê di roja duyem a Cejna Remezanê de partiyên siyasî çûn serdana hev.
AK Partiyê piştî 10 salan û MHPyê jî di dîroka xwe de cara yekem DEM Partî ziyaret kir.
Ji bilî AK Partî û MHPyê partiyên Paşarojê, DEVA û Saadetê jî çûn serdana DEM Partyê.
Parlamenterê AK Partiyê yê Semsûrê Resul Kurt giringiya banga Îmraliyê wiha anî ziman:
"Banga Birêz bahçelî bi piştigirya Birêz Serokomarê me û heman demê peyama ji îmraliyê ku daxwaza başkirina maf û azadiyan û nehêlana çeka dike, bi giştî peyamê di nav gel de bersiveke erenî heye."
DEM Partiyê di cejna îsal de ji bilî MHP û AK Partiyê heman demê pêşwaziya şandeyên Partiya Paşarojê, Partiya DEVAyê û Partiya Saadetê jî kir.
"Pêwîst e em hemû li bangên erênî xwedî derkevin"
Alîkarê Serokê Partiya Paşerojê Ceyhan Bagci wiha anî ziman:
"Her bangeke aştî û çareseriyê ji bo welatê me û herêma me giring û hêja ne.
Pêwîst e em hemû li bangên erênî xwedî derkevin ev yek erkekî welatîbûnê ye. Me pêdivî bi vê yekê heye."
Serokê şandeya DEM Partiyê Ozturk Turkdogan di dema pêşwazîkirina mêvanan de amaje bi çalakiyên li Stenbolê kir û daxwaz kir ku ciwanên hatine girtin bêne berdan.
Ozturk her wiha seredana MHP û Akpartiyê weke gaveke erênî nirxand
"Ev seredane dikare pêşdaraziyan bişkîne"
Hevserokê Komisyona Hiqûqê ya DEM Partiyê Ozturk Turkdogan wiha anî ziman:
"Di dîroka xwe de cara yeke, MHP pîrozbahiya cejnê li DEM Partî û siyaseta partiyên wekî DEM Partiyê dike, ev yek gellek giring e.
Ev seredane dikare pêşdaraziyên her du partiyan û aligirên wan yên li hemberî hevdû bişkîne, ji xwe armanca banga aştî û civaka demokratîk jî ev e."
Di pîrozbahiyên cejna îsal de partiya komarî ya gel CHPtê ti bernameyên pêşwaziyê nebûn.
