Hewlêr (Rûdaw) – ISIGê ragihand ku li Tirkiye û Bakurê Kurdistanê herî kêm 169 karker li ser kar mirine.
Meclisa Ewlehî û Tenduristiya Kar (ISIG) rapora xwe ya mirina karkeran a meha Çiriya Pêşînê belav kir.
Hat ragihandin ku meha Çiriya Pêşîn herî kêm 169 karker li ser kar mirine.
Bi vê yekê re, hejmara karkerên ku di 10 mehên îsal de mirine gihîşte hezar û 737 kesan.
Li gorî raporê, 12 ji karkerên ku meha Çiriya Pêşîn mirine jin in û sedema sereke ya mirinan jî bi rêjeya ji sedî 23yê wekî "pelçiqîn-pelçiqandin" hatiye tomarkirin.
Di raporê de hat destnîşankirin ku mirin herî zêde di sektora çandiniyê de bi 46 karkeran û piştî wê jî di sektora înşaatê de bi 43 karkeran çêbûye.
Dabeşkirina mirina karkeran a li gorî sektoran wiha ye:
Çandinî: 46 karker
Înşaat: 43 karker
Veguhastin: 25 karker
Hesin: 10 karker
Bazirganî-Perwerde: 8 karker
Sektorên Din: 37 karker
