Hewlêr (Rûdaw) - Hêzên girêdayî hikûmeta Sûriyeyê li derdora taxên Kurdan ên Şêx Meqsûd û Eşrefiyeyê yên Helebê bendên nû danîn û rêyên sereke girtin.
Rewangeha Mafên Mirovan a Sûriyeyê (SOHR) ragihand ku rêya di navbera Baxçeyê Eşrefiyetê û Çarrêya Şîhanê û herwiha rêya Çarrêya Cendûlê hatine girtin.
SOHRê da zanîn ku rêya Çarrêya Cendûlê wekî yek ji damarên sereke yên jiyanê tê dîtin ku taxa Şêx Meqsûd bi taxên rojhilatê Helebê ve girê dide.
Ev pêngav wekî binpêkirina eşkere ya peymanên Adar û Nîsanê yên îsal tê dîtin ku di navbera Hêzên Ewlehiya Navxwe û hêzên girêdayî hikûmeta Sûriyeyê de hatibû îmzekirin.
