Hewlêr (Rûdaw) – Li Urdunê di şahiyê dawetê de, mêvanekî gule berdan hewayê û bi şaşitî zava kuşt.
Bûyer li bajarê Mayê yê Urdunê qewimî.
Zavayê 20 salî yê bi navê Hamza Sattam Hamed Al-Fanatsa bi mêvanan re dest bi reqsê kir.
Di wê navberê de mêvanekî li ser hev gule berdan û bi şaşitî guleyek li sîngê zava da.
Tîma tenduristiyê zavayê ku hat zanîn polîs e bi birîndarî bir nexweşxaneyê.
Hamza Sattam Hamed Al-Fanatsa tevî hemû midaxeleyan jiyana xwe ji dest da.
Berpirsê Asayîşê Amer El-Sertawî diyar kir ku kesê gule berdane hate girtin û wan dest daniye ser çeka wî.
