Hewlêr (Rûdaw) - Di êrişên Îsraîlê li yên Xezeyê de hejmara kuştiyan derket 9 hezar û 500î.
Serokê Ofîsa Çapemeniyê ya hikûmeta li Xezeyê Selame Merûf di civîna çapemeniyê de, derbarê hejmara kesên ku di êrişên Îsraîlê de hatin kuştin û agahî dan.
Li gorî agahiyên ku Merûf dane, hejmara kesên ku ji 7ê Çiriya Pêşînê ve li Xezeyê hatin kuştin derket 9 hezar û 500î.
Selame Merûf destîşan kir, “3 hezar û 900 ji wan zarok, 2 hezar û 509 ji wan jî jin in.”
Merûf da zanîn ku di êrişên Îsraîlê 220 dibistanan xisar dîtiye û 60 ji wan êdî nikarin perwerdeyê bidin.
Li gorî heman daxuyaniyê 55 mizgeft, 3 zanîngeh, 3 dêr, 3 avahiyên Wezareta Weqfan xira bûne.
Herwiha 16 nexweşxane, 32 malên tenduristiyê, 27 ambulans û 105 navendên tenduristiyê jî zerer dîtiye.
40 hezar avahî ji binî xira bûn
Merûf diyar kir ku ji ber êrişan 40 hezar avahî bi temamî xira bûne, 220 hezar avahî û 88 avahiyên hikûmetê jî xisar dîtiye.
Herî kêm hezar û 430 Îsraîlî hatine kuştin
Li aliyê din heta niha di êrişên grûpên çekdar ên Xezeyê de neha niha herî kêm hezar û 430 Îsraîlî hatine kuştin.
