Hewlêr (Rûdaw) - Li navçeya Oltiyê ya parêzgeha Erziroma Bakurê Kurdistanê ji ber barana zêde lehî rabû û di encamê de zerer gihîşt xanî, axûr û zeviyên çandiniyê.
Li gorî daxuyaniya Parêzgariya Erziromê, îro li 3 taxên navçeya Oltiyê ji ber baranê lehî rabû û bû sedema zererên madî.
Parêzgarê Erziromê Mustafa Çîftçî li gel tîmên AFADê çû cihê bûyerê û li ser rewşê lêkolîn da destpêkirin.
Li gor encamên lêkolînê, li sê taxan zerer gihîştiye 10 avahî, 15 axûr û hinek zeviyên çandiniyê.
Di çilê havînê de jî li çend parêzgehên Tirkiye û Bakurê Kurdistanê barîna baranê berdewam dike.
