Hewlêr (Rûdaw) - Li navçeya Serê Kaniyê ya Rihayê 800 donim genim şewitî.
Îro piştî nîvroyê di navbera gundên Xirbezeh û Herma yên navçeya Serê Kaniyê ya parêzgaha Rihayê agir bi zeviyên genim ket.
Li gorî zanyariyên Rûdawê ji cotkarên herêmê standiye, ji ber bayekî gur agir li herêmê belav bûye û 800 donim genim şewitiye.
Cotkarê bi navê Absulselam Bozyel ê ji herêmê da zanîn ku agir li nava zeviyên cotkarê bi navê Mehmet Eken û Nurullah Çelîk derketiye û ji ber bayê gur agir bilez li herêmê belav bûye.
Li gorî gotina wî heta niha sedema derketina agir nayê zanîn.
Cotkarên her du gundan bi traktorên xwe û tîmên îtfayeya Serê Kaniyê agir kontrol kiriye.
Li ser şewata genimên cotkaran jî hêzên ewlehiyê dest bi lêkolînê kiriye.
Şîrove
Bi mêvanî şîroveyekê binivîse an jî têkeve hesabê xwe da ku malperê bi awayekî yeksertir û berfirehtir bi kar bînî
Şîroveyekê binivîse