Derdora gundekî Çemçemalê hat bombebarankirin

Hewlêr (Rûdaw) – Rêveberê nahiyeya Axçelerê diyar kir ku saet 14.00an dronan gundê Çinartûyê bombebaran kir.

Rêveberê nahiyeya Axçelerê yê navçeya Çemçemala Silêmaniyê Hêmin Behcet ji Rûdawê re ragihand, piştî bombebaranê firoke li esmanê navçeyê geriyan.

Herî dawî di meha Tebaxê de gundê Çinartûyê hat bombebarankirin û di encamê de 2 endamên PKKyê canê xwe ji dest da û yek jî birîndar bû.

Gundê Çinartûyê gundekî şên e ku welatî lê dijîn, bombebaran 500 metreyî dûrî gund hatiye kirin.

Roja şarşemê demjimêr derdora 06:00 û 08:00ê sibehê, du dronan gundê Tuteqeliyê yê heman nahyeyê bombebaran kirin.

Rêveberê nahiyeya Axçelerê yê navçeya Çemçemala Silêmaniyê Hêmin Behcet got ku doh 5 caran gund hatiye bombebarankirin.

• Parve bike li ser
• Share on Facebook
• Share on Twitter
• Share on Whatsapp
• Share on Telegram
• Share on Viber
• Share on Messenger