Hewlêr (Rûdaw) - Li parêzgeha Mûşê ya Bakurê Kurdistanê, 150 mîh ji tirsa di rûbarê de pê li hev kirin û mirar bûn.
Li gundê Ziyaretê yê Mûşê doh keriyê ku derengê şevê diçêriya ji tiştekî nediyar tirsiya û ber bi robarê ve reviya.
Di robarê de 150 mêşinên ku pê li hev kirin mirar bûn.
Li ser agahdarkirinê tîmên Saziya Çandinî û Daristanê ya Mûşê çû cihê bûyerê û zerera ajeldaran tesbît kirin.
Xwediyê keriyê pez Cengîz Yîgît xwest ku zererên wî bên vegerandin.
Cengîz Yîgît wiha behsa bûyerê kir:
"Şeva borî demjimêr derdora 02:00yan dema mîh li vê derê diçêriyan, nizanim ji çi tirsiyan û reviyan û bûn du beş.
Her çi qasî min hewl da ku rawestînim lê nesekinîn. Pişt re ketin vê çala li pişt min û pê li hev kirin. Nêzîkî 150 mîhên me mirar bûn."
