Hewlêr (Rûdaw) - Birêvebiriya Polîsên Trafîkê ya Rêveberiya Xweser ragihand ku îsal li herêmên Bakur û Rojhilatê Sûriyeyê 3 hezar û 25 qezayên trafîkê çêbûne.
Rêvebiriyê da zanîn ku di wan qezayen de 164 kesan canê xwe ji dest daye û hezar û 580 kes jî birîndar bûne.
Li gorî rêvebiriyê, sedemên sereke yên qezayan leza zêde, mijûlbûna bi telefonê di dema ajotinê de û ajotina zarokan e.
Hat destnîşankirin ku rojane di navbera 10 û 15 qezayên trafîkê de çêdibin.
Qezaya herî biêş
Qezaya herî biêş di 2ê Îlonê de li ser rêya Hisîça-Şedadê qewimîbû û tê de 13 kes miribûn û 9 kes jî birîndar bûbûn ku jin û zarok jî di nav wan de hebûn.
