Hewlêr (Rûdaw) - Li navçeya Gole ya parêzgeha Erdexanê ya Bakurê Kurdistanê teyrok bariya ku li seranserî Tirkiyê û Bakurê Kurdistanê pileya germahiyê gihîştiye nêzîkî 40 pileyan.
Li navçeya Gole ya Erdexanê îro Înê teyrok û baran bariyan û hinek cih bi teyrokê spî bûn. Her wiha ji ber baranê cade û kolanên navçeyê jî di bin avê de man.
Di meha Tîrmehê de li piraniya parêzgehên Bakurê Kurdistanê û Tirkiyê germahiyeke zêde heye û Saziya Keşnasiyê ya Tirkiyê hişyarî daye ku dê hefteya bê pileya germê zêdetir bibe.
Tevî ku Saziya Keşnasiyê hişyariya germahiya daye jî li çend navçeyên parêzgeha Erdexanê demsal hîn zivistan e û dem bi dem baran û teyrok dibare.
